Frábær árangur var hjá sundfólki frá Sundfólki Akraness á Íslands- og Unglingameistaramótinu í 25m laug sem fram fór um liðna helgi. Sundfólk SA kom heim með unglingameistaratitil, tvenn silfurverðlaun og ein bronsverðlaun.

Sunna Arnfinnsdóttir varð Unglingameistari í 1500m skriðsundi á tímanum 18:01,27, sem tryggði henni einnig annað sæti í opnum flokki. Þetta var frábær bæting, eða um 9 sekúndur á aðeins þremur vikum. Sunna náði einnig þriðja sæti í 100m baksundi á 1:06,26.

Guðbjarni Sigþórsson vann til silfurverðlauna í 100m fjórsundi á 58,34, og bætti við bronsi í 50m flugsundi á 25,86 og hafnaði hann í þriðja sæti í 50m skriðsundi á 23,49. Hann varð einnig í fimmta sæti í 100m skriðsundi á tímanum 51,18. Guðbjarni bætti sinn besta árangur í öllum greinum um helgina.

Viktoria Emilia Orlita sýndi frábæra frammistöðu og bætti sig í öllum sínum greinum. Hún synti sig inn í úrslit í 50m og 100m skriðsundi og 100m fjórsundi, þar sem hún varð sjötta sæti í 50m skriðsundi og 100m fjórsundi og sjöunda í 100m skriðsundi.

Karen Anna Orlita, yngsti keppandi frá félaginu, bætti sig í fjórum af fimm greinum og varð níunda í 50m flugsundi og 50m skriðsundi, aðeins einu sæti frá því að komast í úrslit í opnum flokki.

Sunna Dís Skarphéðinsdóttir synti 50m skriðsund mjög nálægt sínum besta tíma og hafnaði í 13. sæti, en þurfti því miður að draga sig úr keppni vegna veikinda og tók ekki þátt í 100m og 200m skriðsundi.

Í boðsundsgreinum sýndi liðið góða liðsheild og baráttuanda og hafnaði í fimmta og sjötta sæti á mótinu.

Vösk sundsveit af Skaganum