Guðmundur Ingi Kristinsson, mennta- og barnamálaráðherra, heimsótti Fjölbrautaskóla Snæfellinga í gær. Heimsóknin var í tengslum við boðað samráð um fyrirhugaðar breytingar á skipulagi opinberra framhaldsskóla. „Markmið breytinganna er að efla framhaldsskólastigið, styrkja starfsemi skólanna og bæta þjónustu við nemendur um land allt,“ segir í tilkynningu frá ráðuneytinu.