Ný skáldsaga, Feluleikir, eftir Lilju Magnúsdóttur frá Hraunsnefi er komin út. Þetta er saga um fólk sem lendir óvæntum aðstæðum sem það hefur enga stjórn á. Sagan gerist í Fljótshverfi á Síðu, í Öræfasveit, í Reykjavík og á heiðum Austurlands þar sem verið er að byggja virkjun. Aðalpersónan Arna er snillingur í að segja sögur og er að skrifa kvikmyndahandrit þegar óvæntir atburðir setja allt úr skorðun. Fólkið í kringum hana hefur áhyggjur af henni: „Aumingja unga konan sem stendur með elskhuganum, og hann í fangelsi grunaður um líkamsárás, eða jafnvel morðtilraun. Ætlaði hún virkilega að halda áfram með svona manni?“ Elskhuginn er sjarmerandi á allan hátt en Arna óttast að hann sé með fleiri konum. Í leit að sannleikanum kemst Arna að ýmsu um elskhugann, kynnist föður sínum og finnur óvænt nokkuð sem hafði verið falið mjög lengi.