Við lok ársþings Sjómannasambands Íslands síðastliðinn föstudag færði Sjómannasambandið, Félag skipstjórnarmanna og Félag vélstjóra og málmtæknimanna Slysavarnaskóla sjómanna 25 milljónir króna að gjöf til kaupa á búnaði fyrir skólann. Gjöfin er hluti félaganna í Fiskifélagi Íslands, sem var formlega slitið í júní á þessu ári og var upphæðin að stærstum hluta komin til vegna sölu á húsi Fiskifélagsins að Ingólfsstræti 1 í Reykjavík.