Síðastliðinn laugardag bauð ungur bóndi í Bæjarsveit í Borgarfirði fólki að koma á akurinn og taka upp kartöflur og gulrætur í sjálftínslu. Fjölskyldur mættu og áttu góða stund við uppskerustörf. Búið var að losa um kartöflurnar sem lágu á yfirborðinu og biðu nýrra eigenda. Gulræturnar voru hins vegar teknar upp beint úr garðinum, stórar og einstaklega safaríkar. Uppskeran var svo seld eftir vigt gegn vægu gjaldi.