Gulur september er vitundarvakning um geðrækt og sjálfsvígsforvarnir og af því tilefni eru margskonar viðburðir því tengdir í mánuðinum. Miðvikudaginn 10. september voru allir hvattir til að klæðast gulu og bjóða upp á gular veitingar. Kennarar og nemendur í Fjölbrautaskóla Snæfellinga í Grundarfirði létu ekki sitt eftir liggja og einnig var gult þema á æfingu hjá Heilsueflingu 60 plús.