Öflug atvinnulíf á Vesturlandi er allra hagur

Á komandi vikum verður Starfamessa 2025 haldin, en hún er eitt af áhersluverkefnum Sóknaráætlunar Vesturlands. Þar gefst íbúum, fyrirtækjum og ungu fólki tækifæri til að tengjast og kynna sér störf og menntun á svæðinu. Starfamessurnar verða þrjár og fara fram í öllum framhaldsskólum í landshlutanum. Í Menntaskóli Borgarfjarðar í Borgarnesi verður hún föstudaginn 26. september, í Fjölbrautaskóli Snæfellinga í Grundarfirði þriðjudaginn 30. september og sú síðasta í Fjölbrautaskóli Vesturlands á Akranesi föstudaginn 3. október.

Starfamessan er lifandi viðburður þar sem fyrirtæki, stofnanir og skólar kynna störf, starfsgreinar og námsleiðir. Hún er hugsuð fyrir nemendur í 9. og 10. bekk grunnskóla, framhaldsskólanema og alla sem hafa áhuga á að skoða fjölbreyttar leiðir framtíðarinnar. Fyrir nemendur gefst tækifæri til að kynnast möguleikum í námi og starfi og fá innblástur fyrir framtíðina. Fyrir fyrirtæki og stofnanir er ávinningurinn að fá vettvang til að kynna starfsgreinar, hitta unga fólkið og jafnvel næsta kynslóð starfsfólks. Loks fyrir íbúa á svæðinu er þetta góð leið til að sjá hversu fjölbreytt og spennandi atvinnulífið á Vesturlandi er.

Opið fyrir alla og aðgangur ókeypis

„Hluti úr degi verður dagskráin opin almenningi á hverjum stað og eru íbúar hvattir til að líta við, fræðast og taka þátt í uppbyggjandi viðburði. Ekki er innheimt þátttökugjald, en fyrirtæki og stofnanir eru eindregið hvött til að skrá sig og leggja sitt af mörkum til að gera messurnar sem fjölbreyttastar og skemmtilegastar,“ segir í tilkynningu. Skráning og nánari upplýsingar veita Hlédís Sveinsdóttir, verkefnastjóri – hlediss@gmail.com og Hrafnhildur Tryggvadóttir, atvinnuráðgjafi SSV – hrafnhildur@ssv.is

Fyrsta Starfamessan verður í næstu viku

Öflug atvinnulíf á Vesturlandi er allra hagur

Öflug atvinnulíf á Vesturlandi er allra hagur