Umhverfisganga verður farin í Stykkishólmi dagana 15. til 18. september. Í göngunni mun Jakob Björgvin S Jakobsson bæjarstjóri, ásamt öðrum fulltrúum sveitarfélagsins, ganga með íbúum um hverfi Stykkishólms og huga að nánasta umhverfi. „Tilgangur með umhverfisgöngunni er að efna til samtals um nánasta umhverfi, hvað megi betur fara í frágangi og umhirðu bæjarins, auk þess að miðla upplýsingum um fyrirhugaðar framkvæmdir,“ segir í tilkynningu frá Sveitarfélaginu Stykkishólmi.