„Verðum með opið næstu tvær vikurnar en lokum svo til frambúðar. Þökkum öllum þeim sem heimsóttu okkur í gegnum árin,“ segir í tilkynningu frá Sjóminjasafninu á Hellissandi á FB síðu safnsins síðastliðinn föstudag. Því er svo fylgt eftir á umræðuvef og bætt við að safnið verði eflaust opið næsta sumar ef hægt verður að tryggja laun fyrir starfsmann. „Tíu ár í sjálfboðavinnu er meira en nóg. Er að hætta allri sjálfboðavinnu, kem ekki til með að gera neitt fyrir samfélagið meir.“