Ferjuleiðir, rekstraraðilar Breiðafjarðarferjunnar Baldurs, hafa tilkynnt að síðasta ferð Baldurs, áður en skipið verður notað til að leysa Herjólf af 8. september, verði föstudaginn 5. september. Í tilkynningu frá Ferjuleiðum segir: „Baldur mun leysa af Herjólf í siglingum til og frá Vestmannaeyjum frá og með 8. september. Baldur siglir síðustu ferðina yfir Breiðafjörð þann 5. september. Á meðan verður siglt út í Flatey þrisvar sinnum í viku; á þriðjudögum, föstudögum og sunnudögum. Nánari upplýsingar má nálgast í síma 562-8000 eða á netfanginu ferja@ferja.is“