Undirritaður hefur verið samningur milli Hvalfjarðarsveitar og K16 ehf. um annan áfanga byggingar nýs íþróttahúss við Heiðarborg. Samningurinn felur í sér frágang innanhúss; lagnir, innréttingar og búnað ásamt lóðafrágangi. Verklok eru 1. ágúst 2026. Fyrirtækið K16 ehf. sá einnig um fyrsta áfanga verksins. Þær framkvæmdir hafa gengið vel og er nú að ljúka, samkvæmt frétt frá sveitarfélaginu. Efla verkfræðistofa mun líkt og áður sjá um verkeftirlit framkvæmda en umsjón með verkinu, fyrir hönd Hvalfjarðarsveitar, hefur Hlynur Sigurdórsson, verkefnastjóri framkvæmda og eigna.