Heildartekjur kynjanna voru nánst jafnar í Sveitarfélaginu Stykkishólmi á árinu 2024. Þar voru heildartekjur karla að meðaltali 10,853 milljónir en kvenna 10,851 milljónir króna á árinu. Einnig var munur heildarlauna mjög lítill í Eyja- og Miklaholtshreppi. Þar voru laun karla að meðaltali 7,061 milljónir króna og meðallaun kvenna 7,279 milljónir króna á árinu 2024. Er Eyja- og Miklaholtshreppurinn eina sveitarfélagið á Vesturlandi þar sem heildartekjur kvenna eru hærri en heildartekjur karla. Í Snæfellsbæ var munurinn á heildartekjum kynjanna mestur. Heildartekjur karla voru 13,151 milljónir króna en kvenna 8 milljónir króna. Eru því heildartekjur karla rúmlega 64% hærri en kvenna.

Ef horft er eingöngu á atvinnutekjur riðlast hlutföllin milli kynjanna mikið á kostnað kvennanna. Áfram er er launamunurinn mestur í Snæfellsbæ þar sem atvinnutekjur karla eru ríflega tvöfalt hærri en atvinnutekjur kvenna. Einnig er launamunurinn afar mikill í Grundarfirði þar sem atvinnutekjur karla eru rúmlega 56% hærri en kvenna, í Hvalfjarðarsveit er munurinn 54% og á Akranesi er munurinn tæplega 52%. Aðeins í einu sveitarfélagi eru atvinnutekjur kvenna hærri en karla en það er í Eyja- og Miklaholtshreppi þar sem tekjur kvenna eru ríflega 8% hærri en karla.

Enn breytast hlutföll milli kynjanna þegar fjármagnstekjur ársins 2024 eru skoðaðar. Á Akranesi eru fjármagnstekjurnar nánast jafnar. Mestur er munurinn hins vegar milli kynjanna í Dalabyggð. Þar lætur nærri að fjármagnstekjur karla séu fjórfaldar fjármagnstekjur kvenna. Í Skorradalshreppi er munurinn ríflega tvöfaldur. Í Eyja og Miklaholtshreppi eru fjármagnstekjur karla tæplega 50% hærri en kvenna og í Borgarbyggð eru fjármagnstekjur karla 48% hærri en kvenna. Í tveimur sveitarfélögum á Vesturlandi eru fjármagnstekjur kvenna hærri en karla. Í Stykkishólmi eru fjármagnstekjur kvenna nálægt því að vera tvöfaldar fjármagnstekjur karla og í Snæfellsbæ eru konur 11.5% hærri en karlar.

Heildartekjur kynjanna jafnar í Stykkishólmi en ójafnastar í Snæfellsbæ