Rúnar Már Sigurjónsson í leiknum gegn KR á mánudaginn. Hann átti stoðsendinguna sem leiddi til marks í meðförum Ísaks Mána Guðjónssonar. Ljósm. GBH
Fyrirliðinn missir af fallslag á laugardaginn
Fyrirliði ÍA í Bestu-deildinni í knattspyrnu, Rúnar Már Sigurjónsson, verður fjarri góðu gamni í næsta leik ÍA þegar Skagamenn mæta liði KA á Akureyri í hreinum fallbaráttuslag næsta laugardag. Rúnar var í gær úrskurðaður í eins leiks bann vegna fjögurra gulra spjalda. Sömu sögu er að segja af öðrum leikmanni ÍA, Erik Tobias Tangen Sandberg. Hann fékk líka eins leiks bann vegna fjögurra gulra spjalda.