medium

large

thumbnail

1536x1536

2048x2048

small

custom-size

Sturluhátíð fjölsótt í blíðviðri helgarinnar

Erkifjendurnir mætast á Akranesi í kvöld

Gleði einkenndi Símamótið í Kópavogi

Jonas Gemmer nýr liðsmaður ÍA

Víkingar vann sinn leik en Kári tapaði

Samþykkti uppsetningu búnaðar til veðurmælinga vegna vindorkuvera

core/heading

<h2>List, menning og veitingar í Dalíu</h2>

core/paragraph

Listakonan Fitore Alísdóttir Berisha stýrir nú kaffi- og menningarhúsi í Búðardal, sem heitir Dalía og er í eigu hjónanna Leifs Steins Elíssonar og Sveinbjargar Júlíu Svavarsdóttur. Þau keyptu hús sem áður hýsti bankaútibú í Búðardal og breyttu því í gistiaðstöðu og sal fyrir tónleika og aðra list- og menningarstarfssemi. Í sumar vann Fitore að vegglistaverkinu, „Endurspeglun“ á austurvegg Dalíu og í framhaldinu buðu þau hjónin Fitore að koma í samstarf um að byggja upp kaffi- og menningarhús með þeim.

„Við viljum skapa stað þar sem fólk getur komið saman, drukkið kaffi, horft á list og fundið sig tengt umhverfinu,“ segir Fitore, sem vinnur að því að þróa kaffihúsið sem er opið miðvikudaga til sunnudaga frá klukkan 9 til 17. Boðið er upp á morgunverð, súpu í hádeginu og kaffi, kökur, léttvín og bjór síðdegis.

Listaverkið Endurspeglun spannar stóran hluta austurveggjar Dalíu og fangar tengsl fólks og staðar í gegnum tímann. Það er hluti af samstarfi við Kruss og var styrkt af Uppbyggingarsjóði Vesturlands og Dala-Auði. Fitore Alísdóttir, sem er frá Kosovo hefur búið á Íslandi frá 2006 og er þekkt fyrir samfélagslega meðvitaða veggjalist sem fjallar um tengsl, sjálfsmynd og sameiginlega sögu.

Dalía er gististaður og þar hafa líka verið margir menningarviðburðir, sem sjá má á dalia.is Nú verður opið fyrir veitingasölu fimm daga í viku. Næstu tónleikar verða með Unu Torfadóttur og Hafþóri laugardaginn 26. júlí nk.

„Við erum ánægð að fá Fitore til samstarfs við okkur og geta haft opið fimm daga í viku núna. Dalía hefur frá upphafi verið hugsað sem menningarhús og viðkomustaður í Búðardal til að auðga mannlífið í Dölunum,“ segir Leifur Steinn annar eigenda Dalíu.

Fréttaveita Vesturlands

Nýr áfangastaður í Búðardal