medium

thumbnail

small

custom-size

Sturluhátíð haldin í Dölum í dag

large

1536x1536

2048x2048

Hljómsveitin Brek spilar í Hallgrímkirkju á sunnudaginn

Næturlokun Hvalfjarðarganga í næstu viku

Kjarnorkukafbáturinn USS Newport News í Hvalfirði

Framkvæmdir hafnar við þjónustustöð N1 á Akranesi

Samkomulag um bætur Borgarbyggðar til Fornbílafjelags

core/paragraph

Þórunn Sveinbjarnardóttir forseti Alþingis ákvað í morgun að beita ákæði 71.greinar þingskaparlaga og lagði til að annari umræðu um Veiðgjöld skyldi lokið þegar í stað. Þessu ákvæði hefur ekki verið beitt á þingi síðan 1959.

Frumvarpið hefur víða mætt mikilli andstöðu ekki síst við sjávarsíðuna. Samtök sjávarútvegssveitarfélaga hafa beitt sér í málinu á undanförnum vikum og mánuðum og hvatt mjög til þess að gerðar yrðu á því veigamiklar breytingar. Ekki síst í ljósi þess að það muni, &nbsp;að þeirra mati, &nbsp;hafa afdrifarík áhrif á rekstur hundruða einyrkja og lítilla fjölskyldufyrirtækja. Hafa samtökin einnig viðrað áhyggjur sínar af því að óbreytt muni frumvarpið geta leitt til aukinnar samþjöppunar í sjávarútvegi og að starfsemi fiskvinnsla leggist af í ákveðnum byggðarlögum. &nbsp;Síðast sendu samtökin frá sér yfirlýsingu í þessa veruna siðastliðinn mánudag.

Eitt af rótgrónustu sjávarútvegssveitarfélögum landsins er Snæfellsbær. Kristinn Jónasson bæjarstjóri í Snæfellsbæ segir í samtali við Skessuhorn að meirihluti Alþingis eigi alltaf að ráða för. „Ég hef lengi verið þeirrar skoðunar að breyta þurfi þingskaparlögum þannig að ávallt sé tryggt að meirihluti Alþingis ráði för. Ég vona að leiðtogar stjórnmálaflokka á Alþingi noti þau tímamót sem nú hafa orðið til þess að breyta því fyrirkomulagi sem alltof lengi hefur tíðkast. Við sem þjóð höfum orðið fyrir miklu tjóni í gegnum tíðina vegna þess að mjög nauðsynleg framfaramál hafa ekki náð fram að ganga með eðlilegum hætti eða dregist úr hömlu“ segir Kristinn.

Hann segir að þessi orð hans  breyti samt ekki skoðun sinni á frumvarpinu um Veiðigjöld. „Það frumvarp hefur tekið breytingum til bóta í meðförum Alþingis en það er hægt og verður að gera betur áður en það verður að lögum líkt og Samtök sjávarútvegssveitarfélag hafa rökstutt mjög vel“ segir Kristinn að lokum.

Fréttaveita Vesturlands

„Meirihlutinn á alltaf að ráða för“ segir bæjarstjóri Snæfellsbæjar