medium

large

thumbnail

1536x1536

small

custom-size

Björg og Ásgeir handhafar Reynisbikaranna

2048x2048

Annir í löggæslu

Hafþór Ingi í starf rekstrarstjóra og yfirþjálfara

Minningartónleikar um Ólaf Garðarsson trommuleikara

Endurskoða lög um almannavarnir

Tónlistahátíðin Heima í Hólmi haldin í annað sinn um helgina

core/paragraph

Mikil hestaveisla var í boði í liðinni viku þegar Fjórðungsmót Vesturlands fór fram í Borgarnesi. Mótið hófst á miðvikudag en lauk síðdegis á sunnudaginn. Fóru þá gestir, knapar og starfsmenn mótsins sælir og glaðir heim. Var það einróma álit gesta og keppanda að mótið hafi heppnast vel, bæði hvað varðar skipulagningu, tímasetningar og utanumhald. Þar á framkvæmdastjórn mótsins heiður skilinn með þá Magnús Benediktsson framkvæmdastjóra og Eyþór Jón Gíslason í broddi fylkingar. Vallarstarfsmenn tryggðu góðar brautir og er rétt að hæla Björgvini, Óla og öðrum fyrir þeirra þátt. Þá var veður gott allan mótstímann en slíkt er lykilatriði til að njóta.

Á mótinu kom fram frábær hestakostur sem og knapar. Greinilegt er að kennsla og þjálfun í reiðmennsku er að skila sér í margfalt fágaðri og betri sýningum en við áttum að venjast hér á árum áður. Þá er ræktunarstarf sífellt að laða fram betri hross sem hljóta hærri einkunnir. Hér verða ekki öll úrslit á mótinu talin upp, en vísað á vef Eiðfaxa og Horseday appið í því samhengi. Niðurstöður kynbótahrossa má svo finna á Worldfeng.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_2-1200x900.jpg" alt="" class="wp-image-93170" /><figcaption>Öll verðlaun á mótinu gáfu Guðbrandur og Anna Ólöf í Nýjabæ til minningar um Ollu. Ljósm. mm</figcaption></figure>

Andi Ollu sveif yfir vötnum

Það sem flestum fannst standa upp úr á mótinu var ræktunarbússýning frá Nýjabæ í Bæjarsveit. Sjálf hafði Ólöf heitin Guðbrandsdóttir, Olla í Bæ, verið búin að ákveða að hún ætlaði að vera með ræktunarbússýningu á mótinu og er óhætt að segja að sú sýning hafi tekist einstaklega vel. Sama má segja um lýsingu Sigrúnar Ólafsdóttur í Hallkelsstaðahlíð sem talaði við gesti á meðan á sýningunni stóð á persónulegum nótum en hún þekkti Ollu vel. Sjá mátti tár á hvarmi hjá nokkrum gestum í brekkunni þegar staðið var á fætur og klappað. Það var Guðbrandur Reynisson sonur Ollu og Anna Ólöf Kristjánsdóttir eiginkona hans sem skipulögðu sýninguna, en þess má geta að þau gáfu öll verðlaun sem veitt voru á mótinu. Sýning ræktunarbúsins var góð og ekki skemmdi að meðal hrossanna var hinn 26 vetra Aðall sem rétt skaust frá hryssuhópi sínum til að afgreiða þetta verkefni.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_4-1200x900.jpg" alt="" class="wp-image-93171" /><figcaption>Bjarni á Skáney og hans fólk stillti sér upp framan við brekkuna. Ljósm. mm</figcaption></figure>

Fleiri ræktunarbú

Á föstudaginn voru nokkrar ræktunarbússýningar. Það gladdi blaðamann að sjá Bjarna Marinósson á Skáney taka þátt í ræktunarbússýningu Skáneyjarbúsins. Hann hefur ekki verið heisluhraustur undanfarið en lét sig hafa það þrátt fyrir verki í skrokknum að stíga á bak hinum 19 vetra Þorfinni Kolfinnssyni og var með flotta sýningu ásamt sínu fólki og hrossum úr ræktuninni. Bjarni var lengi formaður Hrossaræktarsambands Vesturlands og beitti sér mjög fyrir því að reiðhöllin Faxaborg var byggð áður en hann lét af því embætti. Hrossaræktarbúið á Bergi í Grundarfirði var einnig meðal sýnenda á föstudeginum og vann klappverðlaun brekkunnar og sýndi því aftur kvöldið eftir. Glæsileg sýning þar á ferð. Þá var einnig boðið að mæta með sýningu ræktunarbúi ársins 2024 sem er Skipaskagi í Hvalfjarðarsveit. Sýnd voru tvö hross frá búinu en stóðhestarnir voru uppteknir við annað, enda afar eftirsóttir. Keppnishestabú ársins er Garðshorn á Þelamörk og sýndi Agnar Þór Magnússon ásamt tveimur barna sinna þrjú hrossa frá búinu.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_3-1200x900.jpg" alt="" class="wp-image-93172" /><figcaption>Sýning ræktunarbúsins á Bergi vakti lukku meðal gesta. Ljósm. mm</figcaption></figure>

Mikið var um glæsihross á mótinu bæði á keppnisvellinum sem og í kynbótabrautinni. Efsti hestur í B flokki var Kór frá Skálakoti og sigraði hann með einkunnina 9,24 og hafði þó nokkra yfirburðu yfir aðra keppendur. Knapi á Kór var Jakob Svavar Sigurðsson. Sigurvegari í A flokki varð Vakandi frá Sturlureykjum í Reykholtsdal. Hlaut hann einkunnina 8,86, sýndur af Gústaf Ásgeiri Hinrikssyni.

Baráttan var hörð í barnaflokki þar sem Svandís Svava Halldórsdóttir vann með mögnuðum stökksprettum á Nínu frá Áslandi með 8,57 í einkunn. Sigurvegari í ungmennaflokki var Guðmar Hólm Ísólfsson. Hann gerði sér lítið fyrir og vann B úrslit og reið sig svo upp í 1. sæti í A úrslitum á Þrumu frá Hveragerði og hlaut í einkunn 8,58. Í unglingaflokki var það Kristín Eir Hauksdóttir Holaker og Þytur frá Skáney sem unnu og hlutu þau 8,69 í einkunn. Gaman var að sjá hinn 20 vetra Þyt ásamt knapa sínum njóta sín í brautinni.

Einnig var boðið upp á töltkeppni og skeiðkappreiðar. Voru þær keppnir opnar öllum og voru mjög sterkir þátttakendur sem leiddu fram hesta sína, þá sérstaklega í T1. Það fór svo þannig að það var Páll Bragi Hólmarsson sem sigraði T1 á Vísi frá Kagaðarhóli með einkunnina 8,28. 100 með skeið vann Sveinn Ragnarsson á Kvisti frá Kommu.

„Framkvæmdanefnd fjórðungsmótsins vill koma á framfæri þakklæti til allar styrktaraðila og sjalfboðaliða sem komu að móti. Án ykkar væri ekki hægt að halda jafn stóran viðburð og þennan,“ segir í tilkynningu.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_1-1200x800.jpg" alt="" class="wp-image-93173" /><figcaption>Gústaf Ásgeir Hinriksson og Vakandi frá Sturlureykjum voru öruggir sigurvegarar í A flokki. Ljósm. iss</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_5-1200x900.jpg" alt="" class="wp-image-93174" /><figcaption>Við mótssetninguna komu ungmenni frá hestamannafélögunum sem sýndu á mótinu með fána sinna félaga. Ljósm. mm</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_6-1200x900.jpg" alt="" class="wp-image-93175" /><figcaption>Aðall og Róbert og Aljón og Guðbrandur. Ljósm. mm</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_7-1200x900.jpg" alt="" class="wp-image-93176" /><figcaption>Örvar Bessason í Grillhúsinu í Borgarnesi hafði í nægu að snúast á mótinu; sá um matinn fyrir gesti og starfsfólk en skipulagði auk þess tónleika og reiðhallarball. Ljósm. mm</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_8.jpg-1200x848.jpeg" alt="" class="wp-image-93177" /><figcaption>Þessi mynd var tekin í lok móts af flestum í framkvæmdanefnd. Ljósm. Kolla Grétars</figcaption></figure>

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_9-1200x676.jpg" alt="" class="wp-image-93178" width="840" height="473" /><figcaption>Ræktunarbú ársins 2024 er Skipaskagi en hér sjást eigendurnir taka við viðurkenningu. Ljósm. iss</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_10-1200x925.jpg" alt="" class="wp-image-93179" /><figcaption>Svandís Svava Halldórsdóttir ánægð með sigur í barnaflokki á Nínu frá Áslandi. Ljósm. iss</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_11-1200x900.jpg" alt="" class="wp-image-93180" /><figcaption>Svona umfjöllun er ekki hægt að ljúka án þess að birta eina mynd úr brekkunni. Það var bjart yfir Dalafólkinu Maríu og Sigga á Vatni og Marteini Valdimarssyni. Siggi hafði á orði að til marks um hvað þetta var gríðar sterkt mót hafi hesturinn hans ekki komist í A úrslit! Ljósm. mm</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/07/Fjordungsmot-Vesturlands-i-Borgarnesi-tokst-med-agaetum_12-1200x868.jpg" alt="" class="wp-image-93181" /><figcaption>Kristin Eir og Þytur frá Skáney sigurvegarar í unglingaflokki. Ljósm. iss</figcaption></figure>

Fréttaveita Vesturlands

Fjórðungsmót Vesturlands í Borgarnesi tókst með ágætum – myndasyrpa