medium

large

thumbnail

1536x1536

2048x2048

small

custom-size

Vegagerðin beið ekki boðanna og bauð út fyrsta neyðarverkefnið

Íbúum fækkar í Skorradal

Marinó Ingi í þjálfarateymi ÍA

Landsréttur lækkar umtalsvert málskostnað til eigenda Borgarbrautar 57-59

Tap hjá Vesturlandsliðunum í annarri deildinni

Opnaði sýninguna Huggulegt líf

core/paragraph

Á dögunum veitti Hvatasjóður íþróttahreyfingarinnar öðru sinni til þeirra verkefna og umsækjenda sem samræmast áhersluatriðum sjóðsins. Sjóðurinn er á vegum ÍSÍ og UMFÍ með stuðningi frá Mennta- og barnamálaráðuneytinu. Sjóðurinn styrkir verkefni sem miða að útbreiðslu íþrótta og aukinni þátttöku barna, með áherslu á þátttöku barna með fötlun, barna af tekjulægri heimilum og barna með fjölbreyttan tungumála- og menningarbakgrunn.

Að þessu sinni bárust sjóðnum 91 umsókn um styrki að upphæð 128 milljónir króna. Samþykktar voru 72 umsóknir að fjárhæð 38,5 milljónir króna þar af níu frá Vesturlandi að fjárhæð 4.550.000 krónur.

Meðal félaga sem hlutu styrk að þessu sinni voru Íþróttabandalag Akraness sem hlaut styrk að fjárhæð ein milljón króna til íþróttastarfs með áherslu á félagslega þáttinn, Golfklúbbur Borgarness hlaut 250 þúsund krónur til leikjanámskeiðs UMFÁS, Keilufélag Akraness hlaut 700 þúsund krónur til verkefnisins Keila fyrir alla, Snæfell hlaut 500 þúsund krónur til uppbyggingar píludeildar og Sundfélag Akraness 500 þúsund krónur í þjálfunarstyrk til endurvakningar sundíþróttarinnar í Borgarnesi. Þá hlaut Knattspyrnudeild Skallagríms 500 þúsund krónur til verkefnisins Allir með, þar sem áhersla er lögð á aukinn aðgang barna af erlendum uppruna að knattspyrnuæfingum í Borgarbyggð og Knattspyrnufélag ÍA hlaut 500 þúsund krónur til verkefnisins Fjölbreytileiki í íþróttum. Ungmennafélagið Víkingur í Ólafsvík hlaut 100 þúsund krónur til leikjanámskeiðs og að síðustu hlaut Golfklúbbur Borgarness 100 þúsund krónur til sumaræfinga barna og unglinga.

Níu úthlutanir Hvatasjóðs íþróttahreyfingarinnar til Vesturlands