medium

large

thumbnail

1536x1536

2048x2048

small

custom-size

Fjórðungsmót Vesturlands fer vel af stað í rjómablíðu

Vetrarþjónusta boðin út í Borgarbyggð

Hlutfall erlendra ríkisborgara hefur nær tvöfaldast

Afhentu styrki af hagnaði Þorrablóts

Styttist í að nýtt parket verði lagt á íþróttahúsið

EuroBasket bikarinn kynntur í Kringlunni á morgun – laugardag

core/paragraph

Umhverfis-, skipulags-, náttúruverndar- og landbúnaðarnefnd Hvalfjarðarsveitar hefur samþykkt að auglýst verði skipulagslýsing sem m.a. gerir kleift að ráðast í byggingu 28.000 tonna laxeldis á Grundartanga.

Forsaga málsins er sú að á sínum tíma fékk Aurora fiskeldi ehf. úthlutað 15 hektara lóð í Kataneslandi við Grundartanga fyrir landeldi á laxi. Að fyrirtækinu stendur hópur fagfólks og fjárfesta með mikla reynslu af uppbyggingu og rekstri fiskeldis í sjó og á landi bæði á Íslandi og í Noregi. Í frétt Skessuhorns fyrr á þessu ári kom fram að gert sé ráð fyrir að 30-40 manns muni starfa á vöktum við eldið að staðaldri þegar stöðin verður fullbyggð og að svipaður fjöldi starfsmanna muni vinna við uppbyggingu stöðvarinnar sem áætluð er á árunum 2026-2029. Talið er að afleidd störf við starfsemina verði um 80 talsins.

Lóðin sem Aurora fiskeldi fékk á sínum tíma er innan svæðis sem liggur að iðnaðarsvæði Grundartanga og er lóðin skilgreind í aðalskipulagi sem athafnasvæði. Samkvæmt skipulagsreglugerð er athafnasvæði skilgreint sem svæði fyrir atvinnustarfsemi þar sem lítil hætta er á mengun svo sem léttur iðnaður, hreinleg verkstæði, bílasölur og umboðs- og heildverslanir. Einnig atvinnustarfsemi sem þarfnast mikils rýmis, t.d. vinnusvæði utandyra á lóðum eða starfsemi sem hefur í för með sér þungaflutninga, svo sem vörugeymslur og matvælaiðnaður. Iðnaðarsvæði er samkvæmt sömu reglugerð svæði fyrir&nbsp; umfangsmikla iðnaðarstarfsemi sem er talin geta haft mengun í för með sér svo sem verksmiðjur.&nbsp;

Nú er sú hreyfing á málinu að landeigandinn, Faxaflóahafnir, óskar eftir því að umrætt svæði um 49 hektarar að stærð verði framvegis skilgreint í aðalskipulagi sem iðnaðarsvæði en ekki athafnasvæði. Fram kemur í umsókninni að á svæðinu næst sjónum verði heimilt að vera með fiskeldi á landi sem eins og áður sagði gerir ráð fyrir 28.000 tonna eldi á ári. Þá kemur fram að aðliggjandi landnotkunarreitir geti tekið breytingum vegna útrásar frá fiskeldi í sjó og vegna vatnstöku úr sjó.

Að öðru leyti er framtíðarnotkun svæðisins ekki ákvörðuð en það er mat Faxaflóahafna að í framtíðinni verði frekari eftirspurn eftir iðnaðarlóðum en athafnalóðum á svæðinu ekki síst vegna fyrirhugaðrar breytingar á landnotkun jarðarinnar Galtarlækjar sem áætlað er að verði athafnasvæði. Þar eru uppi hugmyndir, eins og kunnugt er, um gerð nýrrar hafnar.

Nefndin samþykkti fyrir sitt leyti að auglýsa skipulagslýsinguna en endanleg ákvörðun er í höndum sveitarstjórnar Hvalfjarðarsveitar.

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2025/07/Stefnt-ad-breyttu-skipulagi_2.jpg" alt="" class="wp-image-93010"/><figcaption>Teikning sem sýnir væntanlegt iðnaðarsvæði og lóð Aurora fiskeldis ehf.</figcaption></figure>

Fréttaveita Vesturlands

Stefnt að breyttu skipulagi sem greiðir götu 28.000 tonna laxeldis