medium

large

thumbnail

1536x1536

2048x2048

small

custom-size

Fjórðungsmót Vesturlands fer vel af stað í rjómablíðu

Vetrarþjónusta boðin út í Borgarbyggð

Hlutfall erlendra ríkisborgara hefur nær tvöfaldast

Afhentu styrki af hagnaði Þorrablóts

Styttist í að nýtt parket verði lagt á íþróttahúsið

EuroBasket bikarinn kynntur í Kringlunni á morgun – laugardag

core/paragraph

Fjölgun ferðamanna af skemmtiferðaskipum í höfnum víðs vegar á landsbyggðinni á undanförnum árum hafa reynt mjög á ýmsa þá frægu og margnefndu innviði þeirra bæjarfélaga er skipin hafa haft viðkomu í. Einn af oftast nefndum innviðum, sem ekki er hægt að komast af með, eru almenningssalerni. Þau eru eðli málsins samkvæmt ekki á hverju strái í bæði stórum og smáum samfélögum. Þegar íbúafjöldi bæjarfélaga margfaldast á einum sumarmorgni þurfa gangandi gestir að ganga örna sinna og þá vandast málið. Flest sveitarfélög hafa nú leyst úr slíkum málum.

Annar er sá staður sem ferðamenn sækja í að skoða eru kirkjur. Þeirri þörf hefur víða verið mætt með því að opna kirkjur fyrir hinum framandi gestum. Það kallar hins vegar á viðveru, eftirlit og ekki síst þrif að loknum annasömum degi. Víðast hvar hafa sóknir veigrað sér við að innheimta aðgangseyri. Þá situr eftir spurningin hver á að greiða kostnaðinn? Grundarfjarðarhöfn er ein þeirra hafna landsins sem náð hefur miklum árangri í markaðssetningu og hefur komum skemmtiferðaskipa fjölgað með hverju árinu með tilheyrandi fjölgun ferðamanna er njóta dásemda fjarðarins og nágrennis.

Á dögunum sendi sóknarnefnd Setbergsprestakalls erindi til Hafnarstjórnar Grundarfjarðar sem endurspeglar mjög það sem áður sagði. Í erindinu segir að um nokkurra ára skeið hafi Grundarfjarðarkirkja verið opin gestum af skemmtiferðaskipum. Það hafi ekki verið undanfarin þrjú sumur, annars vegar vegna framkvæmda og hins vegar vegna kostnaðar þar sem komið hafði í ljós að umgengni gesta var ekki nógu góð. Nú hafi sóknarnefnd áhuga á að opna kirkjuna í sumar þegar mikill fjöldi gesta skemmtiferðaskipa verður í bænum. Reiknað sé með að opið verði 24-29 daga í um tvo tíma í senn. Jafnframt muni sóknarnefnd sjá um mönnun á meðan og þrif við lokun. Þannig gefist færi á því að miðla sögu kirkjunnar og tryggja góðar móttökur gesta.

Slík þjónusta hafi hins vegar aukinn kostnað í för með sér á sama tíma og kirkjan sé mjög aðþrengd fjárhagslega. Þess utan standi fyrir dyrum kostnaðarsamar þakframkvæmdir á næsta ári. Til þess að mæta þessu óskaði sóknarnefndin eftir fjárhagslegum styrk frá hafnarsjóði að fjárhæð 2,5 milljónir króna. &nbsp;Af bókun hafnarstjórnar má ráða að henni var vandi á höndum. Hún ræddi hlutverk sitt í samhengi við erindið. Fram kom að hingað til hafi hafnarsjóður ekki veitt styrki ef frá er talinn styrkur til kaupa á björgunarskipinu Björgu sem sinna mun Breiðarfjarðarsvæðinu. Sú fjárveiting hafi verið gerð að tilhlutan bæjarstjórnar í samstarfi við bæjarstjórnir á norðanverðu Snæfellsnesi.

Hafnarstjórn lýsti skilningi á fjárhagsvanda sóknarnefndar en telur aðrar útfærslur heppilegri til lausnar á þeim vanda. Bendir hafnarstjórn á að hún hafi nú þegar varið margfalt hærri upphæðum til uppbyggingar innviða en hún hefur haft í tekjur af farþegagjöldum. Hafnarstjórn lýsti sig reiðubúna til þátttöku í þróun annarrar leiðar þar sem komið væri til móts við markmið sóknarnefndar og hennar góðu hugmyndar um mótttöku gesta. Það yrði best gert með aðkomu bæjarfélagsins og starfsmanna þess og vill stjórnin áframhaldandi samtal um málið.

Fréttaveita Vesturlands

Grundarfjarðarkirkja verði opin ferðamönnum