medium

large

thumbnail

1536x1536

2048x2048

small

custom-size

Fjórðungsmót Vesturlands fer vel af stað í rjómablíðu

Vetrarþjónusta boðin út í Borgarbyggð

Hlutfall erlendra ríkisborgara hefur nær tvöfaldast

Afhentu styrki af hagnaði Þorrablóts

Styttist í að nýtt parket verði lagt á íþróttahúsið

EuroBasket bikarinn kynntur í Kringlunni á morgun – laugardag

core/paragraph

Í auglýsingu er nú tillaga að aðalskipulagi Borgarbyggðar fyrir árin 2025-2037. Nær aðalskipulag eðli málsins samkvæmt yfir allt land innan sveitarfélagsins. Við endurskoðun þess var yfirfarin og endurskoðuð stefna um heimildir til orkuöflunar, í ljósi þess að ýmsir hugsa sér gott til glóðarinnar að beisla vindorkuna. Stefnumótun um nýtingu vindorku er í drögum að aðalskipulagi mótuð á grunni kortlagningar á mögulegum svæðum fyrir nýtingu hennar út frá fjarlægð frá byggð, flutningskerfi og öðrum takmörkunum vegna landnotkunar.

Í skipulaginu segir um vindorkuver: „Áætlun um vernd og orkunýtingu landsvæða (rammaáætlun) gildir um nýtingu vindorku yfir 10 MW. Sveitarfélagið mun taka ákvarðanir um vindorkuver þegar þau hafa verið sett í nýtingarflokk rammaáætlunar. Engin vindorkuver eru í rammaáætlun í Borgarbyggð og því eru engin vindorkuver á aðalskipulagi. Allar ákvarðanir um framtíðarsvæði fyrir vindorkuver í Borgarbyggð, verða teknar út frá skoðun á hverjum kosti fyrir sig.“

Þá segir í stefnu í málaflokknum undir kaflanum „Iðnaður, athafnastarfsemi og orkuvinnsla“:

„Vindorkuver og/eða hærri stakar vindrafstöðvar verða einungis heimilaðar ef fyrir liggur skilgreining svæðis í nýtingarflokki rammaáætlunar. Við staðsetningu vindorkuvera skal líta til þess að í Borgarbyggð eru svæði sem eru óhentug og/eða útiloka slíka landnotkun. Þessi svæði hafa verið kortlögð sem takmarkanir en þau ná yfir verndarsvæði, land ofan 300 m hæðar yfir sjó, afmörkun miðhálendisins, víðerni ofan 300 m h.y.s, mikilvæg fuglasvæði, svæði nálægt byggð, línumannvirkjum og vegum, og svæði við strönd. Auk þessa þátta þá skal hafa í huga sýnileika mannvirkja við ákvarðanir um nýtingu sem og ábata samfélagsins.“

Borgarbyggð hvetur alla hagsmunaaðila að kynna sér auglýsta tillögu að aðalskipulagi og leggja inn ábendingar ef þeim sýnist svo. Frestur til þess er til og með 28. ágúst nk.

Fréttaveita Vesturlands

Ekki er gert ráð fyrir vindorkuverum í nýju aðalskipulagi Borgarbyggðar