medium

large

thumbnail

1536x1536

small

custom-size

“Ég var alinn upp við það að vinna”

2048x2048

Ekkert liggur enn fyrir um ráðstöfun fjárveitinga til vegabóta

Aflasæll öldungur heldur brátt í sína hinstu för

Jakob Svavar og Kristín Eir efst í forkeppni fyrsta dags

Tjaldfylli á fyrstu tónleikum Írskra daga

Yfir tvö tonn af ufsa auk dagsskammts af þorski

core/paragraph

Ný Evróputilskipun í fráveitumálum, verði hún innleidd, er talin geta aukið kostnað íslenskra sveitarfélaga um 49 til 81 milljarð króna. Þetta kemur fram í svari umhverfis-, orku-, og loftslagsráðherra á Alþingi við fyrirspurn Ólafs Adolfssonar fyrsta þingmanns Norðvesturkjördæmis. Ólafur spurði hver væri staða innleiðingar áðurnefndrar tilskipunar um hreinsun skólps frá þéttbýli á Íslandi og hvaða vinna væri í gangi á vegum ráðuneytisins í tengslum við undirbúning hennar.

Í svari ráðherra kemur fram að tilskipunin hafi verið birt 12. desember sl. og hún hafi tekið gildi í ESB 1. janúar 2025. Markmið hennar er; „áfram að vernda umhverfið gegn mengun skólps til viðbótar við að innleiða strangari reglur um hreinsun og víkka gildissviðið þannig að það nái til minni þéttbýlisstaða og fleiri mengunarefna, þar á meðal örmengunarefna og örplasts,“ eins og segir í svari ráðherra. Jafnframt segir að breytingar sem urðu á henni í vinnsluferli hennar „sem líklega eru jákvæðar fyrir Ísland“ án þess að nánar séu þær breytingar raktar í svarinu.

Umrædd tilskipun er að sögn ráðherra nú til skoðunar á vettvangi EFTA-ríkjannna og mikilvægt sé að gæta vel að hagsmunum Íslands við upptöku hennar í EES-saminginn. Undirbúningur innleiðingar sé á frumstigi en hún; „verður ekki innleidd fyrr en ásættanleg niðurstaða liggur fyrir um upptöku hennar í EES-samninginn,“ segir í svarinu.

Í athugasemdum Íslands var bent á sérstöðu Íslands hvað varðar strjábýli og að kröfur um hreinsun skólps ættu frekar að miða við ástand umhverfisins á hverjum stað í stað þess að gerðar séu sömu tæknilegu kröfur óháð aðstæðum og að ráðast ætti í aðgerðir til að draga úr mengun þar sem hún yrði til.

Ólafur spurði einnig hvort mat hafi verið lagt á hvaða breytingar séu nauðsynlegar á löggjöf og framkvæmd fráveitumála hér á landi svo hægt verði að uppfylla skilyrði hinnar nýju tilskipunar. Í svari ráðherra kemur fram að innleiðingin kalli á nýja reglugerð um hreinsun skólps enda sé að finna í hinni nýju tilskipun víðtæk ákvæði og nýja nálgun auk þess sem framvegis þurfi að uppfæra stefnumörkun um fráveitumál á sex ára fresti. Einnig sé stór þáttur að nú verði reglurnar framvegis miðaðar við hreinsun frá þéttbýli sem losar yfir 1.000 persónueiningar í stað 2.000 persónueininga áður.&nbsp; Rétt er að upplýsa lesandann að persónueining í þessu sambandi er það magn lífrænna efna, næringarsalta og annarra efna sem samsvarar því sem einn einstaklingur er að jafnaði talinn losa frá sér á sólarhring.

Þá spurði þingmaðurinn einnig um hvaða áhrif tilskipunin hafi á sveitarfélög með tilliti til fjárfestinga, rekstar og framkvæmda. Í svari ráðherra kemur&nbsp; fram að reglur á sviði fráveitna hafi mikil áhrif á sveitarfélögin, sem bera ein bera ábyrgð á reksti þeirra. Innleiðingin muni að óbreyttu hafa áhrif á fjölda sveitarfélaga og áhrifin snúi fyrst og fremst að nauðsynlegum breytingum á fráveitukerfum vegna aukinna krafna til hreinsunar, aðgengis almennings að hreinlætisaðstöðu, eftirlits, upplýsingagjafar og stafrænnar þróunar. Ráðuneytið áætli að viðbotarkostnaðurinn verði á bilinu 49 til 81 milljarður króna á næstu tveimur áratugum. Þó geti sá kostnaður orðið lægri því hluti hans t.d. kostnaður við svokallaða fjögurra þrepa hreinsun gæti að mestu leyti lent á mengunarvaldinum.

Í svari ráðherra kemur fram að ætla megi að komið verði að upptöku hinnar nýju tilskipunar í EES-samninginn á fyrri hluta árs 2027 og í kjölfarið verði lögð frumvörp hér á landi til innleiðingar.

Fréttaveita Vesturlands

Ný tilskipun ESB gæti aukið kostnað sveitarfélaga um 49 til 81milljarð