medium

large

thumbnail

1536x1536

small

custom-size

Sturluhátíð framundan í Tjarnarlundi

“Ég var alinn upp við það að vinna”

2048x2048

Ekkert liggur enn fyrir um ráðstöfun fjárveitinga til vegabóta

Jakob Svavar og Kristín Eir efst í forkeppni fyrsta dags

Tjaldfylli á fyrstu tónleikum Írskra daga

Yfir tvö tonn af ufsa auk dagsskammts af þorski

core/paragraph

Það vakti að vonum talsverða athygli fyrir nokkru þegar stór togari lagði að bryggju í hinni friðsælu Akraneshöfn þar sem hann hefur legið hreyfingarlaus síðan. Þarna er á ferðinni togarinn Mars í eigu Skipaþjónustu Íslands. Fyrirtækið eignaðist skipið árið 2021 og hefur það síðan sinnt ýmsum verkefnum ótengdum fiskveiðum.

Að sögn Braga Más Valgeirssonar hjá Skipaþjónustu Íslands hefur það undanfarin ár verið rekið sem þjónustuskip við ýmsa leiðangra við austurströnd Grænlands. Ekki síst á stöðum þar sem enga þjónustu var að hafa eins og gistingu og fleira. Má því segja að Mars hafi á tímum geta kallast fljótandi hótel.

En þar með er ekki öll saga skipsins sögð. Það var í upphafi smíðað árið 1974 fyrir Ísfell hf. í Reykjavík og hlaut nafnið Engey. Um aldarfjórðungi síðar var það selt til Ólafsfjarðar og hlaut þá nafnið Kleifaberg og hafði þá verið breytt í frystitogara. Um síðir komst skipið í eigu Útgerðarfélags Reykjavíkur allt þar til því var lagt sem fiskiskipi árið 2020.

Síðustu áratugina var skipstjóri Kleifabergsins Víðir Jónsson aflakló úr Bolungarvík. Þóttu aflabrögð með nokkrum ólíkindum seinni árin og tíðum fór afli skipsins yfir tíu þúsund tonn á ári. Þótti árangurinn sanna að hægt er að ná árangri á gömul skip ef þau eru vel mönnuð og þeim vel við haldið. Má leiða líkum að því að heildarafli skipsins hafi á útgerðartíma þess talist talsvert á þriðja hundrað þúsundið í tonnum talið.

En eins og áður sagði var útgerð þess hætt fyrir aldurs sakir og nýju lífi þess sem þjónustuskips er nú einnig lokið. Nú bíður þess hinsta förin yfir hafið. Haldið er í austurveg til Noregs. Þar verður það rifið og endar í pottinum fræga sem bíður flestra fljótandi stálgerðra öldunga. Bragi Már segir að næstu daga hefjist undirbúningur að síðustu ferð Mars. Hann á von á því að innan nokkurra daga mæti Herkúles, dráttarbátur Skipaþjónustu Íslands, til Akraness og taki fyrrum aflaskipið Kleifaberg í tog til Noregs.

Fréttaveita Vesturlands

Aflasæll öldungur heldur brátt í sína hinstu för