medium

large

thumbnail

1536x1536

2048x2048

small

custom-size

Yfir tvö tonn af ufsa auk dagsskammts af þorski

Leirbakaríið opnað á nýjum stað á Akranesi

Fiskistofa með eftirlit úr lofti í júlí

Ný tilskipun ESB gæti aukið kostnað sveitarfélaga um 49 til 81milljarð

Keilir með langlægsta tilboð í viðhald gatna og stíga

Óður til Írlands sunginn í kvöld

core/paragraph

Í gærkvöldi birtist frétt á vef Ríkisútvarpsins þar sem haft var eftir Eyjólfi Ármannssyni innviðaráðherra; „að þriggja milljarða króna aukafjárveiting til vegagerðar á Vesturlandi og Vestfjörðum sé í höfn og Vegagerðinni sé ekkert að vanbúnaði að hefja framkvæmdir.“ Þá var einnig haft eftir ráðherranum í fréttinni: „Ég fékk samþykkt frá fjármálaráðherra í gær að þessi peningur kæmi úr almenna varasjóðnum, þannig að ég á ekki von á öðru en að Vegagerðin geti farið af stað.“

Eins og komið hefur fram í fréttum Skessuhorns undanfarnar vikur eru Fjáraukalög III nú komin til þriðju umræðu á Alþingi en óvíst er hvenær málið verður tekið þar til afgreiðslu. Samkvæmt frumvarpinu verður aukafjárveiting að fjárhæð þrír milljarðar króna og jafnframt að búast megi við að þriðjungur þeirrar upphæðar renni til framkvæmda á Vestursvæði Vegagerðarinnar.

G.Pétur Matthíasson upplýsingafulltrúi Vegagerðarinnar segir í samtali við Skessuhorn að stofnunin hafi ekki fengið staðfestingu á áðurnefndu framlagi úr varasjóði og því bíði Vegagerðin enn með að hefja framkvæmdir við þær nauðsynlegu vegabætur sem ráðgerðar hafa verið í sumar.

Ekki náðist í Eyjólf Ármannsson innviðaráðherra við vinnslu fréttarinnar og Andri Egilsson aðstoðarmaður hans svaraði ekki skilaboðum.

Fréttaveita Vesturlands

Meint varasjóðsframlag hefur ekki skilað sér til Vegagerðarinnar