medium

thumbnail

small

custom-size

Banaslys á sjó

Lækkun á olíuverði er ekki að skila sér til neytenda

large

1536x1536

2048x2048

Starfshópur um valkosti í gjaldmiðlamálum

Þjófagengi handtekið við Krónuna

Sundfélag Akraness í öðru sæti í liðakeppni SSÍ

Strandveiðibátur sökk

core/paragraph

Byggðarráð Borgarbyggðar hvetur stjórn Háskólans á Bifröst til þess að breyta um stefnu í útleigu húsnæðis á Bifröst þannig að hún verði; „sjálfbær frá sjónarhóli sveitarfélagsins,“ eins og segir í samþykkt byggðaráðsins. Fyrir nokkrum vikum síðan var ákveðið að setja aðalbyggingar Háskólans á Bifröst í sölu auk 65 íbúða á stúdentagörðum skólans. Byggð og mannlíf á Bifröst stendur á gömlum og grónum merg skólastarfs þar, fyrst á vegum Samvinnuskólans og síðast undir merkjum Háskólans á Bifröst. Á tímum fjarnáms er nú svo komið að byggingar á Bifröst teljast ekki lengur nauðsynlegar starfsemi skólans. Einnig hafa verið umræður um sameiningu skólans við aðrar háskólastofnanir t.d. Háskólans á Akureyri. Engin niðurstaða hefur þó orðið í þeim vangaveltum.

Byggðarráð Borgarbyggðar tók fyrirhugaða sölu eigna skólans til umræðu á fundi sínum í gær. Ráðið var samhljóða á fundi sínum og lagði áherslu á þrjú atriði þegar að sölunni kemur.

Í fyrsta lagi telur ráðið nauðsynlegt að á Bifröst verði uppbygging í starfsemi sem standi á eigin fótum og sé samfélaginu og staðnum til sóma. Í öðru lagi verði hugað að framtíð þess fjölda flóttafólks sem nú er búsett í leiguhúsnæði á Bifröst. Í þriðja og síðasta lagi vill byggðaráðið; „að undið verði ofan af þeirri þróun að á Bifröst myndist einsleit byggð langtímaflóttamanna sem reiða sig á fjárhagsaðstoð frá sveitarfélaginu til framfærslu,“ eins og segir orðrétt í bókun ráðsins.

Í rökstuðningi sínum nefnir ráðið að samfélag langtímaflóttafólks á Bifröst sé félagslega óásættanlegt og fjárhagsleg byrði sem sveitarfélagið ráði ekki við. Ráðið fer því fram á að háskólinn breyti sem fyrst um stefnu í útleigu íbúða þannig að hún verði sjálfbær frá sjónarhóli sveitarfélagsins og að hagsmunir staðarins og sveitarfélagsins verði tryggðir í söluferlinu.

Þrátt fyrir að sveitarfélagið hafi ekki beina aðkomu að ákvörðunum er varða húsnæði á Bifröst ætlast byggðaráðið til þess að fulltrúar Borgarbyggðar í háskólastjórn og fulltrúaráði séu að fullu upplýstir og beiti sér þegar kemur að stefnumótun í búsetu eða fyrirkomulagi við sölu eigna, eins og segir í bókun byggðarráðs Borgarbyggðar.

Fréttaveita Vesturlands

Bifröst verði ekki einsleit byggð langtímaflóttafólks