medium

large

thumbnail

1536x1536

2048x2048

small

custom-size

Gert klárt fyrir Hafnarfjall Ultra utanvegahlaupið

Á fjórða hundrað ungmenna hittast á Snæfellsnesi

Samþykktu kaup á nýjum dælubíl

Aukafjárveiting til neyðarviðgerða í vegamálum óafgreidd hjá Alþingi

Úrtaka Dreyra fyrir Fjórðungsmót

Þreklausir Skagamenn

core/heading

<h2>Rætt við Magnús Benediktsson hestamann og framkvæmdastjóra FV</h2>

core/paragraph

Hápunktur sumarsins hjá hestamönnum landsins verður Fjórðungsmótið á Vesturlandi sem haldið verður í Borgarnesi dagana 2. – 6. júlí næstkomandi. Undirbúningur fyrir mótið er nú á lokametrunum undir forystu framkvæmdanefndar sem skipuð er átta fulltrúum hestamannafélaganna Glaðs, Snæfellings, Borgfirðings og Dreyra. Framkvæmdastjóri mótsins er Magnús Benediktsson sem margir þekkja sem einn af eigendum Eiðfaxa en hann á að baki mótsstjórn á fjölda stærri hestamóta hér á landi. Undirbúningur hefur staðið yfir frá því fyrir áramót. Blaðamaður Skessuhorns settist niður með Magnúsi á mánudaginn og var rætt um mótið og það helsta sem þar fer fram. Magnús fullyrðir að mótið nú verði bæði öflugt og skemmtilegt. Þétt dagskrá verður í boði alla fimm keppnisdagana; gæðingakeppni, tölt, 100 metra skeið og kynbótasýning svo eitthvað sé nefnt. Segir hann gríðarlega sterka einstaklinga búna að stimpla sig inn með keppnisrétt, bæði hross og menn. Þá segir hann áberandi hversu fulltrúar í barna- og ungmennaflokkum séu öflugir knapar.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Fjordungsmotid-verdur-frabaert_2-1200x772.jpg" alt="" class="wp-image-92633"/><figcaption>Framkvæmdastjórn mótsins fyrir fund síðastliðið mánudagskvöld. F.v. Randi Holaker, Einar Hólm Friðjónsson, Dórothea Sigríður Unnsteinsdóttir, Iðunn Silja Svansdóttir, Magnús Benediktsson, Hlynur Þór Hjaltason, Eyþór Jón Gíslason og Herborg Sigríður Sigurðardóttir. Á myndina vantar Stefán G Ármannsson.</figcaption></figure>

Mjög sterkt mót framundan

Sjálfur býr Magnús Benediktsson á Selfossi en er á ferð og flugi allan daginn og mikið í símanum enda í mörg horn að líta þegar einungis vika er í mót. Þar að auki er hann að stýra fyrirtækinu sínu Eiðfaxa sem er í dag streymisveitan Eidfaxi-TV og vefur um allt sem tengist íslenska hestinum. Magnús hefur verið framkvæmdastjóri margra stórra móta á liðnum árum, m.a. Íslandsmóts 2015, 2018 og 2023, fjórðungsmóts fyrir austan 2023 og í Borgarnesi 2021, en hann segir Landsmótið á Hellu 2022 það stærsta sem hann hafi komið nærri. Ákveðið var að stækka svæðið sem mótið nær yfir nú, en á því eiga keppnisrétt kynbótahross sem eru í eigu fólks á Vesturlandi, Kjós, Vestfjörðum, Húnavatnssýslum, Skagafirði og Eyjafirði, allt að Vaðlaheiði í austri. Í raun er landinu tvískipt á fjórðungsmótum í dag. Kannski væri því réttara að kalla þau helmingsmót, eða stórmót í það minnsta „Af þessu svæði eru að koma gríðarlega sterk keppnishross, sjötíu sem eiga keppnisrétt í hverjum flokki en af þeim skila sér kannski um sextíu að jafnaði. Þá er keppt í opnum greinum á mótinu og er mikill áhugi fyrir þátttöku. Þær opnu greinar sem verða í boði eru; Tölt T1, Tölt T3, Tölt T3 U17 og P2 100 m flugskeið og stefnir þar í mjög sterka keppni. Svo má ekki gleyma kynbótagripum af öllu svæðinu, en það er hægt að fullyrða að mjög sterkir einstaklingar eru að mæta á þetta mót,“ segir hann.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Fjordungsmotid-verdur-frabaert_3-1200x900.jpg" alt="" class="wp-image-92634"/><figcaption>Reiðhöllin Faxaborg og svæðið í Borgarnesi verður brátt tilbúið fyrir móttöku þúsunda gesta.</figcaption></figure>

Þétt dagskrá í fimm dag

Dagskrá mótsins hefst klukkan 9 að morgni miðvikudagsins 2. júlí og stendur fram á kvöld alla keppnisdagana. Úrslit í öllum flokkum verða svo á sunnudeginum og gert ráð fyrir að mótinu ljúki síðdegis. Á mótinu munu verður fjöldi ræktunarbússýninga á föstudagskvöldinu og það bú sem fær hæsta klappið í brekkunni kemur síðan aftur fram á laugardagskvöldinu. Þangað verður einnig boðið að mæta með sýningu ræktunarbúi ársins sem er Skipaskagi í Hvalfjarðarsveit og keppnishestabú ársins sem er Garðshorn á Þelamörk. Loks verður sérstök heiðurssýning á ræktun Ollu í Nýja-Bæ. Búið er að sækja um þátttökurétt á ræktunarbússýningum og segir Magnús að dregið verði úr nöfnum þeirra ef þátttakan verður meiri en tími er fyrir í dagskránni. Þá nefnir hann að Kjarkur frá Árbæjarhjáleigu taki þátt í 100 metra skeiðinu, en það er einn mesti skeiðhestur allra tíma. Búið er að leggja nýtt efni yfir kynbótabrautina á félagssvæði Borgfirðings við Faxaborg en keppt verður á báðum völlunum mest allan tímann. Svæðið er nú óðum að taka á sig mynd, en lokafrágangur, svo sem sláttur og njólahreinsun er þó eftir. Landsmót hestamanna verður á Hólum á næsta ári og segir Magnús þetta mót ákveðinn upptakt fyrir það. „Það er mikið líf í gæðingakeppni hér á Vesturlandi. Krakkarnir eru ótrúlega öflugir og hafa góða stjórn á hestunum. Við eigum því von á harðri keppni í öllum aldursflokkum og keppnisgreinum. Hingað eru að mæta stjörnuknapar víðsvegar að, sem taka meðal annars þátt í opnu greinunum.“

Örvar í Grillhúsinu með matinn

Þá segir Magnús að eitt af lykilatriðum við mótshald sem þetta sé að gestir fái staðgóðar veitingar. Örvar og félagar í Grillhúsinu í Borgarnesi munu sjá um þann þátt mótshaldsins og verður hluti reiðhallarinnar innréttaður sérstaklega sem mathöll meðan á mótinu stendur. Maturinn verður eldaður í Grillhúsinu en fram borinn í reiðhöllinni. Þar verða einnig hljómsveitir að spila, meðal annars Gildran, og einnig verða grilluð lambalæri á laugardagskvöldinu.

Aðspurður segir Magnús erfitt að spá fyrir um gestafjölda á móti sem þessu. Veðrið spili þar inn í en svo margt fleira. „Ég ætla að spá því að gestir verði ekki undir tvö þúsund. Það skýrist vonandi þegar nær dregur,“ segir hann.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Fjordungsmotid-verdur-frabaert_5-1200x885.jpg" alt="" class="wp-image-92635"/><figcaption>Allir verðlaunagripir sem afhentir verða á mótinu eru til minningar um Ollu í Nýjabæ, gefnir af fjölskyldu hennar.</figcaption></figure>

Verðlaun til minningar um Ollu

Guðbrandur Reynisson og Anna Ólöf Kristjánsdóttir auk fjölskyldu ákváðu að heiðra minningu Ólafar Guðbrandsdóttur í Nýja-Bæ og gefa alla verðlaunagripi sem afhentir verða á mótinu. „Það er ótrúlega rausnarlegt hjá fjölskyldunni að heiðra með þessum hætti minningu Ollu í Nýja-Bæ, en hún var alla tíð mikill kvenskörungur og hrossaræktandi. Þetta verða eiguleg verðlaun sem fólk á vonandi eftir að stilla upp á öndvegisstaði heima í stofu eða á kaffistofunni hjá öðrum verðlaunagripum.“

Best að hafa ekkert að gera!

Framkvæmdastjórinn segir mesta kúnst við undirbúning svona móts að deila verkefnum skynsamlega niður, að hver nefndarmaður fái hlutverk sem hentar viðkomandi. Þannig segir hann sérhæfingu borga sig í skipulagningu sem þessari. Ef verkaskipting og undirbúningur gangi upp væri best að á mótinu sjálfu hefði hann sjálfur ekkert að gera! „Framkvæmdastjóri á svona stóru móti þarf ekki að klæðast einhverjum Súpermannbúning. Þetta snýst um hópinn sem vinnur að þessu verkefni sem heild. Ég er svo heppinn að hafa frábæran hóp með í þessu verkefni, þar sem fyrst og fremst jákvæðnin ræður ríkjum. Hestamenn mega þakka fyrir að hafa svona öflugu fólki úr að spila því nú á tímum er ekki sjálfgefið að fólk gefi svona mikið af sér í sjálfboðavinnu.“

Ódýrast í forsölu

Forsala miða á FV er á tix.is og hvetur Magnús fólk til að nýta sér afsláttarkjör sem í boði eru í forsölu. Helstu styrktaraðilar mótsins eru Límtré-Vírnet og Lífland en auk margra annarra styrktaraðila má nefna Kaupfélag Borgarfirðinga, Húsasmiðjuna, Steypustöðina, að ógleymdri fjölskyldunni frá Nýja-Bæ. Þeim öllum þakkar hann af alhug.

Að endingu segir Magnús að í hestamennskunni sé það svo sannarlega þannig að maður er manns gaman. „Mótið sem fram undan er verður fjölmennasta mannamót hestamanna þetta árið og ég hvet alla til að mæta til okkar og njóta,“ segir Maggi Ben að endingu.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Fjordungsmotid-verdur-frabaert_4-1200x900.jpg" alt="" class="wp-image-92636"/><figcaption>„Mótið sem fram undan er verður fjölmennasta mannamót hestamanna þetta árið og ég hvet alla til að mæta til okkar og njóta.“</figcaption></figure>

Fréttaveita Vesturlands

„Fjórðungsmótið verður frábært“