medium

large

thumbnail

1536x1536

2048x2048

small

custom-size

Fjórðungsmót Vesturlands fer vel af stað í rjómablíðu

Vetrarþjónusta boðin út í Borgarbyggð

Hlutfall erlendra ríkisborgara hefur nær tvöfaldast

Afhentu styrki af hagnaði Þorrablóts

Styttist í að nýtt parket verði lagt á íþróttahúsið

EuroBasket bikarinn kynntur í Kringlunni á morgun – laugardag

core/heading

<h2>Sundfélag Akraness prúðasta liðið og Karen Anna Orlita Íslandsmeistari aldursflokka</h2>

core/paragraph

Helgina 20.–22. júní fór fram Íslandsmeistaramót aldursflokka í sundi sem að þessu sinni var haldið á Akureyri. Sundmótið var fyrir 15 ára og yngri og alls tóku um 210 keppendur frá tíu félögum um land allt þátt í mótinu. Til að öðlast keppnisrétt þurftu sundmenn að ná fyrirfram skilgreindum lágmarkstímum.

Sundfélag Akraness sendi átta keppendur á mótið, sem stóðu sig allir afar vel. Félagið endaði í 7. sæti í stigakeppni félaga og margt af sundfólkinu náði markmiðum sínum og bættu sína tíma.

Karen Anna Orlita átti einstaklega gott mót. Hún varð stigahæsta stelpan í aldursflokknum 12–13 ára og varð Íslandsmeistari í bæði 200 m skriðsundi og 100 m fjórsundi. Hún bætti einnig við bronsverðlaunum í 200 m fjórsundi. Frábær árangur hjá efnilegri sundkonu!

Einnig náðu fleiri keppendur úr hópnum inn á verðlaunapall: Eymar Ágúst Eymarsson varð í 6. sæti í 200 m baksundi og 6. sæti í 400 m skriðsundi í flokki 14–15 ára. Rúna Björk Ingvarsdóttir varð í 6. sæti í 50 m baksundi í flokki 11 ára og yngri.

Afrek Sundfélags Akraness fólu ekki eingöngu í sér góðan árangur í lauginni því félagið var einnig heiðrað með verðlaunum fyrir að vera prúðasta liðið á mótinu. „Hegðun, framkoma og góður andi skipta miklu máli í íþróttum og við erum afar stolt af okkar keppendum sem sýndu þetta í verki,“ segir Kjell Wormdal þjálfari liðsins. Keppendur voru: Eymar Ágúst Eymarsson, Sigmar Orri Halldórsson, Gunnar Logi Guðmundsson, Elín Sara Skarphéðinsdóttir, Karen Anna Orlita, Helga Lind Viðarsdóttir, Þóra Birna Jónsdóttir og Rúna Björk Ingvarsdóttir. „Við þökkum Óðni og öllum sem komu að mótinu fyrir frábært starf og sendum kærar þakkir til foreldra fyrir stuðninginn um helgina,“ segir Kjell.

core/image

Fréttaveita Vesturlands

Stóðu sig vel á aldursflokkamóti í sundi