Hreppsnefnd Skorradalshrepps hefur samþykkt að fela samstarfsnefnd um sameiningu Skorradalshrepps og Borgarbyggðar að kynna fyrir íbúum hreppsins tillögu sömu nefndar um sameiningu sveitarfélaganna og að kosið yrði um sameiningartillöguna í september. Jafnframt samþykkti hreppsnefndin tillögu um að kosningaaldur yrði miðaður við 16 ár í stað 18 ára í hefðbundnum sveitarstjórnarkosningum.