medium

large

thumbnail

1536x1536

2048x2048

small

custom-size

Undirbúningur Hinseginhátíðar og Brákarhátíðar í fullum gangi

Forsetahjónin unnu hug og hjörtu keppenda Norðurálsmótsins

Keppni fór vel af stað á Norðurálsmótinu

Skallastrákar í æfingabúðum í Króatíu

Svanga-Saga gladdi íbúa á Brákarhlíð

Sátt um uppbyggingu hjúkrunarheimila

core/paragraph

Undirbúningur fyrir landsmót unglingadeilda Slysavarnarfélagsins Landsbjargar sem haldið verður í Snæfellsbæ dagana 25.-29. júní stendur nú sem hæst. Skipulagning mótsins er í höndum unglingadeildanna Dreka í Snæfellsbæ og Óskar í Búðardal með aðstoð björgunarsveita á áðurnefndum stöðum.

Helena Dögg Magnúsdóttir verkefnastjóri unglingamála hjá Slysavarnarfélaginu Landsbjörgu segir að landsmótið sé einn af hápunktum í unglingastarfi félagsins og þar komi saman flestar unglingadeildir landsins til þess að hafa bæði gagn og gaman af. Hún segir skráningu á mótið góða og von sé á um 380 unglingum úr 28 deildum víðsvegar að af landinu.

Í upphafi móts er öllum, bæði umsjónarmönnum og unglingum skipt upp í tíu blandaða hópa sem starfa saman yfir mótið. Fyrstu tvo dagana fara hóparnir á mismunandi pósta og leysa þar skemmtileg verkefni. Póstarnir eru fjölbreyttir og taka á því sem unglingarnir hafa lært í unglingastarfinu. Póstarnir verða bátar, sig og kassaklifur, fyrsta hjálp, leitartækni, spottavinna, tæki, böruburður, hópefli og sund. Einnig verður kveikt á keppnisskapi þátttakenda og keppa hóparnir í svokölluðum björgunarleikum.

Í tengslum við landsmótið verður haldið landsþing unglinga og hefur það verið hluti landsmótsins frá árinu 2005. Þar gefst unglingunum tækifæri til þess að ræða málefni Slysavarnarfélagsins Landsbjargar sem snúa að unglingum.

Fréttaveita Vesturlands

Undirbúningur landsmót unglingadeilda Landsbjargar í fullum gangi