medium

large

thumbnail

1536x1536

2048x2048

small

custom-size

Undirbúningur Hinseginhátíðar og Brákarhátíðar í fullum gangi

Forsetahjónin unnu hug og hjörtu keppenda Norðurálsmótsins

Keppni fór vel af stað á Norðurálsmótinu

Skallastrákar í æfingabúðum í Króatíu

Svanga-Saga gladdi íbúa á Brákarhlíð

Sátt um uppbyggingu hjúkrunarheimila

core/heading

<h2>Rætt við verktakana sem byggja nýja iðngarða á Hvanneyri</h2>

core/paragraph

Í iðnaðarhverfinu við Melabraut, austast í þorpinu á Hvanneyri, mun á næstu vikum rísa 1600 fermetra atvinnuhús. Búið er að jarðvegsskipta undir húsið og byrjað að mæla út fyrir sökklum og grunni. Húsið verður reist úr yleiningum frá Límtré Vírneti. Að framkvæmdinni stendur nýstofnað fyrirtæki, Melabraut byggingarfélag ehf. Það er í eigu Birkis Þórs Guðmundssonar auðlindahagfræðings á Pálstanga og 5X sérsmíði ehf, byggingafélags í eigu Adams Leví Karlssonar og Hauks Sigurðssonar. Þessir þrír kynntust í gegnum verkefni sem nú er að ljúka við endurbyggingu gömlu nautastöðvarinnar við Pálstanga á Hvanneyri. Blaðamaður Skessuhorns hitti undir vikulokin félagana Birki og Adam Leví í húsgrunni væntanlegra iðngarða. Haukur félagi þeirra var þá að stjórna öðrum verkefnum á vegum 5X sérsmíði. Við ræddum um verkefnið sem er að hefjast en einnig eilítið við Birki Þór um bakgrunn hans. Birkir Þór kveðst vera að festa rætur á Hvanneyri ásamt Gunnhildi konu sinni, er Vestfirðingur að uppruna, en hefur sterkar taugar til svæðisins.

Búið að ráðstafa yfir helmingi hússins

Iðngarðahúsið sem brátt mun verða reist á Melabraut 4a og 4b verður 28 metra breitt og 57 metrar að lengd. Það verður stúkað niður í smærri bil sem flest verða seld. Þegar er búið að selja rúmlega helming í húsinu og þá liggur fyrir að Slökkvilið Borgarbyggðar mun taka á leigu rými sem verður fullbúin slökkvistöð fyrir bíla, tæki og búnað slökkviliðsmanna. Birkir segir að hugur sé einnig í Björgunarsveitinni Ok að fá þar aðstöðu, en ákvörðun um það hafi þó ekki verið tekin. „Það er hugur í björgunarsveitarfólki að fylgja slökkviliðinu á nýjan stað svo að þarna verði einskonar björgunarmiðstöð. Sífellt stærri hluti verkefna björgunarsveitarinnar er nú í vestari hluta starfssvæðis hennar,“ segir hann. Þeir Adam og Birkir segja stefnt að því að húsið á Hvanneyri verði fullbúið í október í haust.

Koma frá Ísafirði

Birkir Þór og kona hans Gunnhildur Gunnarsdóttir festu fyrir um tveimur árum kaup á gamla nautafjósinu með áfastri hlöðu á Pálstanga. „Við keyptum húsnæðið af Ásu Dóru fyrrum eiganda eftir að hafa falast eftir því við hana,“ segja þau. Hefur 5X sérsmíði komið að endurbyggingu hússins ásamt þeim Birki, Gunnhildi og fleirum. Þar er nú orðið til einkar glæsilegt íbúðarhús sem þau eru nýlega flutt inn í, bjugggu síðast á Ísafirði. Gunnhildur er leiðsögumaður, markþjálfi og teymisþjálfi, er í grunninn Reykvíkingur en hefur búið lengi erlendis þar sem hún starfaði eftir háskólanám.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Birkir-THor_2-1200x800.jpg" alt="" class="wp-image-92334"/><figcaption>Það er orðið staðarlegt heim að líta að Pálstanga, húsi sem frá 1964 og fram á þessa öld hýsti bolana á Nautastöð Bændasamtaka Íslands.</figcaption></figure>

Birkir Þór er fæddur og uppalinn á Hrauni á Ingjaldssandi. Ungur fór hann til náms við Bændaskólann á Hvanneyri og útskrifaðist sem búfræðingur vorið 1983. „Ég kunni ákaflega vel við mig á Hvanneyri, bæði var ég í frískum hópi nemenda og svo var náttúrlega Magnús B. að stjórna öllu og góðir kennarar að uppfræða okkur. Á þessum árum tengdist ég svæðinu enn sterkari böndum, en ræturnar lágu hér á svæðinu í ljósi þess að langafi minn, Guðmundur Einarsson refaskytta, var fæddur á Heggsstöðum í Andakíl 1873. Hann missir föður sinn 11 ára og bjó um tíma á Skarði í Lundarreykjadal áður en hann fór vestur í Önundarfjörð. Móðurfjölskylda mín er út af honum og gríðarstór frændgarður,“ segir Birkir og bætir við að hann hafi af þessum sökum í nokkur ár verið á höttunum eftir jarðnæði í Borgarfirði.

Unnið í orkugeiranum

Birkir Þór lærði auðlindahagfræði í háskólanum að Ási í Noregi, var meðal annars samferða Daða Má Kristóferssyni núverandi fjármálaráðherra í námi. „Ég bjó því um tíma í Noregi og eitt ár í Ameríku, en það er öllum hollt að hleypa heimdraganum um tíma til að læra að meta landið sitt. Með þetta nám frá Ási í farteskinu hef ég síðan unnið í orkugeiranum. Aðalstarf mitt undanfarin 20 ár hefur verið að reisa vatnsaflsvirkjanir í eigin rekstri ásamt því að veita ráðgjöf innan orkugeirans. Ég hef einnig notið þess í gegnum tíðina að veita bændum aðstoð og ráð varðandi smávirkjanir og samningagerð fyrir landeigendur um landnot og vatnsréttindi. Samningar sem eru grunnur að flestum þeim samningum sem þekkjast í dag á Íslandi og er uphaflega að norskri fyrirmynd. Ég hef einnig í gegnum árin staðið að innflutningi á búnaði fyrir vatnaflsvirkjanir og hefur hluti starfs míns einnig verið að setja upp virkjanir og þjónusta rekstur þeirra,“ segir Birkir. Eftir búfræðinámið mátaði hann þó sig þó inn í búskap, bjó meðal annars með refi um tíma, en refarækt var á þeim árum tískubúgrein hér á landi. Þá var hann um tíma sláturhússtjóri á Þingeyri.

Áhugamálin voru þó fyrst og fremst tónlist. „Ég og Árni Brynjólfsson fyrrum bóndi á Vöðlum í Önundarfirði vorum að spila á ýmsum mannamótum. Það kom þannig til að oft var erfitt um samgöngur að sunnan og því þurfti að nota heimafengna tónlist á dansiböllum. Einhverju sinni vorum við að spila á Stútungi og alls ekki búið að gefa hljómsveitinni nafn. Þá kemur inn Einar Oddur Kristjánsson, kannski búinn að fá sér aðeins í tána, og kynnir okkur fyrir vini sínum og sagði að þarna væru „rokkbændurnir úr Önundarfirði“. Þar kom nafnið og vorum við í mörg ár að spila, ég og Árni, í Rokkbændum,“ segir hann. Eftir að Birkir fluttu burtu til náms tók eiginkona Árna, Erna Rún Thorlacius, sæti hans í hljómsveitinni og spiluðu þau saman í fjöldamörg ár og endurskírðu hljómsveitina sem nú heitir Hjónabandið. Sjálfur segist Birkir enn grípa í hljóðfæri og bresti í söng - segist aldrei neita góðu „giggi“ geti hann komið því við.

„Stórasta land í heimi“

Birkir Þór er ekki í vafa um að uppbygging iðngarða á Hvanneyri muni gera samfélaginu gott. Það efli trú fólks á svæðið að fyrirtæki séu tilbúin til að fjárfesta. Oft þurfi ekki meira til að efla baráttuandann í héraði. „Nú eru ég og Gunnhildur mín búin að ákveða að hér viljum við setjast að og eiga heima og mér finnst gríðarlega skemmtilegt að takast á við verkefni sem þetta. „Ísland er náttúrlega stórasta land í heimi, eins og konan sagði, og ekki síst tel ég að tækifærin liggi til sveita. Borgarfjörður er auk þess afar miðsvæðis,“ segir Birkir Þór auðlindahagfræðingur á Pálstanga.

Fréttaveita Vesturlands

Það eflir trú fólks á svæðið að uppbygging fari í gang