medium

large

thumbnail

1536x1536

2048x2048

small

custom-size

Undirbúningur Hinseginhátíðar og Brákarhátíðar í fullum gangi

Forsetahjónin unnu hug og hjörtu keppenda Norðurálsmótsins

Keppni fór vel af stað á Norðurálsmótinu

Skallastrákar í æfingabúðum í Króatíu

Svanga-Saga gladdi íbúa á Brákarhlíð

Sátt um uppbyggingu hjúkrunarheimila

core/paragraph

Akraneskaupstaður hefur ráðið Sigrúnu Ósk Kristjánsdóttur í nýtt starf upplýsingafulltrúa bæjarins. Starfið felur í sér að leiða upplýsingamiðlun og samskipti sveitarfélagsins við almenning og fjölmiðla. Alls barst 31 umsókn um starfið.

Sigrún Ósk er með BA-próf í heimspeki, hagfræði og stjórnmálafræði frá Háskólanum á Bifröst. Hún hefur víðtæka og farsæla reynslu úr fjölmiðlum fyrst á Skessuhorni en síðar á miðlum Sýnar, lengst af við þáttagerð á Stöð 2. Hefur hún starfað sem blaðamaður og ritstjóri á Skessuhorni, við blaðamennsku á Vísi og Fréttablaðinu og við dagskrárgerð ýmissa sjónvarps- og útvarpsþátta. Auk þess hefur hún gegnt starfi markaðs- og atvinnufulltrúa hjá Akraneskaupstað og verið varamaður í bæjarstjórn.

„Upplýsingafulltrúi gegnir lykilhlutverki í að tryggja skýra, faglega og gegnsæja upplýsingagjöf til íbúa, fjölmiðla og annarra hagsmunaaðila. Með ráðningu Sigrúnar Óskar styrkir Akraneskaupstaður enn frekar upplýsingamiðlun sína og eykur aðgengi að upplýsingum um starfsemi og stefnumál sveitarfélagsins. Með starfi upplýsingafulltrúa er ætlun okkar að bæta upplýsingamiðlun til íbúa Akraness og viðskiptavina Akraneskaupstaðar. Það er mikill fengur fyrir sveitarfélagið að fá Sigrúnu Ósk til starfa. Hún býr yfir mikilli þekkingu og reynslu á sviði miðlunar og þekkir jafnframt samfélagið og málefni Akraness afar vel,“ segir Haraldur Benediktsson bæjarstjóri í tilkynningu.

Sjálf kveðst Sigrún Ósk þakklát fyrir að hafa verið treyst fyrir því mikilvæga verkefni að móta nýtt starf upplýsingafulltrúa hjá Akraneskaupstað og er full tilhlökkunar að hefja störf. „Mér hefur alla tíð þótt mjög vænt um þetta góða bæjarfélag og er spennt fyrir að leggja mín lóð á vogarskálina,“ segir Sigrún Ósk sem mun hefja störf í byrjun ágúst.

Fréttaveita Vesturlands

Sigrún Ósk tekur við starfi upplýsingafulltrúa Akraneskaupstaðar