medium

large

thumbnail

1536x1536

2048x2048

small

custom-size

Fimmtán sæmdir heiðursmerki hinnar íslensku fálkaorðu – myndasyrpa

Gleðilega þjóðhátíð!

Kippur við Grjótárvatn

Tóku á honum stóra sínum í Fjallkonunni

Brautskráð frá Háskólanum á Bifröst

Þolinmæði bæjarstjórnar Grundarfjarðarbæjar þrotin

core/heading

<h2>Rætt stuttlega við nýkjörinn formann Hestamannafélagsins Borgfirðings</h2>

core/paragraph

Eins og fram kom í frétt Skessuhorns nýverið var á félagsfundi í Hestamannafélaginu Borgfirðingi í síðustu viku kosin ný stjórn félagsins. Við formennsku tók Haukur Þór Hauksson á Fornastekk í Stafholtstungum. Þótt Haukur hafi átt búsetu í héraðinu um tveggja áratuga skeið, og verið þar í sveit sem barn, hefur starfsvettvangurinn alla tíð verið á höfuðborgarsvæðinu. Því var óskað eftir því að hann gæfi lesendum Skessuhorns og á fimmta hundrað félagsmönnum í Borgfirðingi innsýn í hver maðurinn væri.

Fest rætur í Stafholtstungum

Eiginkona Hauks Þórs er Ásta Möller hjúkrunarfræðingur, fyrrum alþingismaður sem nú er að ljúka garðyrkjunámi. Þau eiga þrjú uppkomin börn; Helgu Láru lögfræðing, Hildi rekstrarverkfræðing og sérfræðing í umhverfismálum og Hauk Stein hestafræðing og viðskiptafræðing sem ásamt föður sínum rekur Investis fyrirtækjaráðgjöf. Á vettvangi Investis fer fram sala og sameiningar fyrirtækja, aðstoð við fjármögnun, verðmat og slíkt.

„Sem barn var ég sendur í sveit til skyldfólks í Hjarðarholti í Stafholtstungum; þeirra Jóns og Sigríðar. Tengsl þangað hafa alla tíð verið mikil og á tíunda áratugnum flytjum við okkur lítið hús í landi Hjarðarholts. Upp úr aldamótum kaupum við svo af Þorvaldi og Hrefnu í Hjarðarholti 60 hektara landspyldu sem nefnd er Fornistekkur. Þar byggjum við okkur íbúðarhús og erum einu sinni búin að stækka það síðan, auk þess að byggja okkur hesthús. Þangað fluttum við en eigum íbúð í bænum. Á Fornastekk höfum við hrossin okkar og ríðum út í þessari fallegu sveit,“ segir Haukur og segir aðspurður að fjölskyldan eigi um tuttugu hross samanlagt, bæði kynbótahross og reiðhesta.

Haukur varð búfræðingur frá Bændaskólanum á Hvanneyri 1975 en starfrækti lengi eftir það verslunina Borgarljós í Ármúla. Verslunina seldi hann 2002 og settist að nýju á skólabekk og er með MBA próf í rekstrarhagfræði frá Háskóla Íslands. „Árið 2006 stofna ég Investis og hef sinnt þeim rekstri síðan og núna síðustu árin rekið fyrirtækið með Steini Hauki syni okkar. Það gengur bara fínt,“ segir hann, en vissulega hafi komið erfið tímabil í hruninu og Covid. Hann segist hvergi þrífast betur en í sveitinni og reiðleiðir þar séu fjölmargar og skemmtilegar. „Borgarfjörður er eitthvað fegursta hérað landsins. Þar eru reiðgötur eins og á fegurstu grundum himnaríkis, segja mér fróðir menn! Ég mæli sérstaklega með Mið-Tungunum,“ bætir hann við og brosir.

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2025/06/Haukur-THor-Hauksson_2.jpg.png" alt="" class="wp-image-92328"/><figcaption>Fyrstu verðlauna stóðhesturinn Frosti frá Fornastekk. Knapi er Hinrik Bragason.</figcaption></figure>

Fjórðungsmót fyrsta verkefnið

Talið berst að hestamannafélaginu Borgfirðingi. „Það var komið að máli við mig,“ segir hann um aðdraganda þess að hafa gefið kost á sér til formennsku í félaginu. „Það var komin upp ákveðin stjórnarkreppa og boðað var til fundar. Ég bauð mig fram til formennsku og var kosinn án mótframboðs. Nú eftir þennan fjölmenna fund er mest áríðandi að koma festu í starf félagsins sem verður gestgjafinn á Fjórðungsmóti hestamanna á Vesturlandi sem fram fer í Borgarnesi dagana 2.-6. júlí næstkomandi. Ég er sannfærður um að það mun allt ganga vel í undirbúningi fyrir mótið. Núna fyrstu dagana eftir fund í síðustu viku hafa fjölmargir haft samband við mig, verið jákvæðir og lýst vilja til að leggja hönd á plóg. En það er auðvitað sérstök mótsnefnd starfandi sem saman stendur af fulltrúum hestamannafélaga á Vesturlandi. Magnús Benediktsson var ráðinn framkvæmdastjóri mótsins, mikill reynslubolti á því sviði. Nú eru menn að hamast við að snyrta svæðið, slá og gera klárt og ég er sannfærður um að umgjörðin og mótið sjálft verður til fyrirmyndar. Auk mótsnefndar er starfandi vallarnefnd, veitingasala er í traustum höndum Grillhússins í Borgarnesi og tjaldsvæðið verður klárt.“ Haukur kveðst búast við 3-5 þúsund gestum á Fjórðungsmót og segir umgjörðina þola vel þann fjölda.

„Eftir Fjórðungsmót verður svo verkefni nýrrar stjórnar að byggja hestamannafélagið Borgfirðing upp og efla liðsandann. Borgfirðingur hefur á að skipa á fimmta hundrað félagsmönnum sem kalla eftir því að umgjörð öll og skipulag félagsins verði með þeim hætti að öllum líði vel, eins og á að vera. Við búum vel í ljósi þess að hér er skuldlaus reiðhöll og félag sem á að vera í fínum málum í alla staði. En fyrsta verkefnið okkar nú verður að skila Fjórðungsmóti af okkur og vonandi með sóma,“ segir Haukur Þór í Fornastekk að endingu.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Haukur-THor-Hauksson_3-1200x900.jpg" alt="" class="wp-image-92329"/><figcaption>Haukur Þór á Þyt frá Fornastekk.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Karlareid-StafholtstungnaNOTA-1200x705.jpg" alt="" class="wp-image-92330"/><figcaption>Haukur ásamt nágrönnum sínum sem fóru í Karlareið Stafholtstungna í gær. Ljósm. Bergþór Jóhannesson</figcaption></figure>

Fréttaveita Vesturlands

Hér eru reiðgötur eins og á fegurstu lendum Himnaríkis