Halla Tómasdóttir forseti Íslands sæmdi í dag fimmtán Íslendinga heiðursmerki hinnar íslensku fálkaorðu, við hátíðlega athöfn á Bessastöðum. Þeirra á meðal var Andrea Þórunn Björnsdóttir á Akranesi, Amma Andrea. Blaðamaður Skessuhorns leit við á Bessastöðum í dag og fangaði stemninguna. Orðuhafar eru eftirfarandi:

Albert Eymundsson, fyrrverandi skólastjóri, fyrir framlag til mennta-, íþrótta- og ungmennafélagsstarfa í heimabyggð.

Andrea Þórunn Björnsdóttir, sjálfboðaliði í samfélagsþágu, fyrir framlag til góðgerðarmála og samfélags.

Bjarki Sveinbjörnsson tónlistarfræðingur, fyrir framlag til varðveislu, rannsóknar og miðlunar íslenskrar tónlistarsögu.

Dóra Guðrún Guðmundsdóttir, sálfræðingur og lýðheilsufræðingur, fyrir brautryðjandastarf á sviði lýðheilsu og velsældar á Íslandi.

Guðrún Ágústsdóttir, fyrrverandi borgarfulltrúi og rauðsokka, fyrir störf í þágu jafnréttis og kvennabaráttu.

Guðrún Pétursdóttir lífeðlisfræðingur, fyrir störf í þágu sjálfbærni, jafnréttis- og mannúðarmála.

Jón Haukur Steingrímsson jarðverkfræðingur, fyrir forystustörf í öryggisvörnum vegna jarðelda.

Linda Dröfn Gunnarsdóttir, framkvæmdastýra Kvennaathvarfsins, fyrir störf í þágu fjölmenningar og þolenda kynbundins ofbeldis.

Soffía Pálsdóttir, skrifstofustjóri frístundamála, fyrir brautryðjanda- og forvarnarstörf í þágu velferðar barna.

Unnar Vilhjálmsson, frjálsíþróttaþjálfari og kennari, fyrir framlag til íþrótta- og félagsstarfa með börnum.

Unnur Ösp Stefánsdóttir, leikkona, leikstjóri og höfundur, fyrir framlag til leiklistar og samfélagsmála.

Vilborg Guðbjörg Guðnadóttir geðhjúkrunarfræðingur, fyrir framlag til geðheilbrigðismála barna, unglinga og fjölskyldna.

Þorlákur Hilmar Morthens (Tolli) myndlistarmaður, fyrir sjálfboðastörf í þágu endurhæfingar fanga.

Þorsteinn Loftsson, prófessor emeritus í lyfjafræði, fyrir frumkvöðlastarf í lyfjavísindum og nýsköpun.

Þórður Þórkelsson barnalæknir, fyrir framlag til nýburalækninga og barnagjörgæslu.

*Halla Tómasdóttir forseti og Andrea Þórunn ásamt þremur barna hennar og tveimur barnabörnum.*

*Forsetinn ræðir við orðuhafa áður en stillt var upp til myndatöku.*

*Orðunefnd, forseti og starfsmaður orðunefndar, en á ári hverju tekur nefndin við fjölda tilnefninga sem unnið er úr.*

*Nöfnunar Guðrún Pétursdóttir og Guðrún Ágústsdóttir sem báðar fengu fálkaorðuna.*

*Halla forseti, Unnur Ösp Stefánsdóttir ásamt eiginmanni sínum og börnum.*

*Bogi Ágústsson situr í orðunefnd og er hér á tali við orðuhafann Dóru Guðrúnu Guðmundsdóttur.*

*Unnar Vilhjálmsson ólst upp í Reykholti, hér með Sigurbirni Árna Arngrímssyni sem situr í orðunefnd.*

*Andrea ásamt dóttursyni sínum Andra Páli Einarssyni og Eydísi Maríu Ingudóttur unnustu hans.*

Fimmtán sæmdir heiðursmerki hinnar íslensku fálkaorðu – myndasyrpa