medium

large

thumbnail

1536x1536

2048x2048

small

custom-size

Fimmtán sæmdir heiðursmerki hinnar íslensku fálkaorðu – myndasyrpa

Hér eru reiðgötur eins og á fegurstu lendum Himnaríkis

Gleðilega þjóðhátíð!

Kippur við Grjótárvatn

Tóku á honum stóra sínum í Fjallkonunni

Þolinmæði bæjarstjórnar Grundarfjarðarbæjar þrotin

core/paragraph

Síðastliðinn laugardag fór fram útskriftarhátíð nemenda frá Háskólanum á Bifröst, en athöfnin var í Hjálmakletti í Borgarnesi. Að þessu sinni voru 182 nemendur brautskráðir; 74 úr grunnnámi, 78 úr meistaranámi og 30 nemendur úr háskólagátt. Ef litið er til deildaskiptingar þá brautskráðust 49 úr félagsvísindadeild, 14 úr lagadeild og 88 úr viðskiptadeild. Þar af voru 130 konur og 52 karlar.

Logi Einarsson, ráðherra menningar, nýsköpunar og háskólamála var sérstakur gestur hátíðarinnar og flutti hann ávarp sitt í upphafi athafnarinnar þar sem hann óskaði útskriftarefnum innilega til hamingju með áfangann. Þá kom hann inn á það að Háskólinn á Bifröst hafi lengi verið þekktur fyrir sveigjanleika, samfélagslega ábyrgð og nálægð. Það sé ekki sjálfgefið að nám sé í senn aðgengilegt, fjölskylduvænt og í takti við þarfir fólks með ólíkan bakgrunn. En hjá Bifröst hafi sú sýn verið í forgrunni að menntun eigi að vera fyrir alla.

Að vanda voru verðlaun veitt fyrir framúrskarandi námsárangur. Hvatningarverðlaun hlutu Klara Ósk Elíasdóttir við félagsvísindadeild, Íris Hrund Sigurðardóttir og Jenný Rebekka Jónsdóttir við lagadeild og Daniela Katarzyna Zbikowska við viðskiptadeild.&nbsp;

Útskriftarverðlaun fyrir grunnám hlutu Sylvía Hlynsdóttir, Hugrún Diljá Þorgeirsdóttir, Rakel Hjelm Jónsdóttir og Matthildur Dögg Jónsdóttir.&nbsp; Útskriftarverðlaun fyrir meistaranám hlutu Bjarni Thor Kristinsson, Lilja Dögg Gunnarsdóttir, Ólafía Jónsdóttir og Birna Dís Birgisdóttir. Nöfn þeirra hafa þar með bæst við Bifrastarlista háskólans.

Soffía Björg Óðinsdóttir söng- og tónlistarkona flutti valin sönglög í upphafi dagskrár og milli atriða.

Margrét Jónsdóttir Njarðvík rektor ávarpaði útskriftarnemendur og aðra hátíðargesti.  Í ávarpi sínu talaði hún meðal annars um mikilvægi Bifrastar fyrir byggðir landsins og að Jónas á Hriflu hefði ekki aðeins stofnað Bifröst árið 1918 heldur stóð hann einnig fyrir stofnun héraðsskólanna á sínum tíma, sem urðu alls tíu talsins um allt land. Mikilvægi þeirra hafi verið ótvírætt því þeir gerðu fólki kleift að mennta sig í heimabyggð. „Það er einmitt nákvæmlega það sem við gerum við Háskólann á Bifröst og án þess að byggja hús,“ sagði Margrét í ávarpi sínu. „Við getum nálgast nemendur okkar og veitt fyrirtaks háskólamenntun sama hvar fólk býr. Ef við ætlum að halda landinu okkar í byggð verður að vera til staðar háskóli landsbyggðarinnar, háskóli sem nær til allra, hvar sem er og hvenær sem er.“

Fréttaveita Vesturlands

Brautskráð frá Háskólanum á Bifröst