medium

large

thumbnail

1536x1536

small

custom-size

Stúkuhúsið Kaffi blæs til sóknar

2048x2048

Skoðunardagur fornbíla er á mánudaginn

Veggurinn sem vaknar – vígsla vegglistaverks

„Ég er mjög tengdur þessum stað“

Segir brýnt að auka ekki óvissu með frekari töfum

Stofnað verði samgöngufélagið Þjóðbraut

core/paragraph

„Ég er vægast sagt afar óhress með þá þjónustu sem Íslandspóstur er að veita okkur íbúunum í dreifbýlinu. Nú er útburður á pósti kominn niður í tvo daga í viku, en á því eru ítrekuð vanhöld að staðið sé við það,“ segir Arndís Erla Ólafsdóttir í Ásgarði í Dölum í samtali við Skessuhorn. Alla jafnan eiga þau að fá póst borinn út í póstkassann, sem staddur er á afleggjaranum, á miðvikudögum og föstudögum, en iðulega falli póstferð niður án þess að fyrir því séu gefnar skýringar. Þegar hún svo leiti svara um vanhöld á póstburði, sé fátt um svör hjá stofnuninni.

Meðfylgjandi mynd af Arndísi er tekin við póstkassann í Ásgarði miðvikudaginn 11. júní. Þá var henni að berast nákvæmlega viku gamalt Skessuhorn og sex daga skammtur af Morgunblaðinu. „Ég hef samúð með útgefendum blaða sem hafa ekki aðrar leiðir en að reiða sig á þjónustu Íslandspósts. Hún er svo arfa slök að það hlýtur að bitna á áskrift að þessum blöðum,“ segir hún. Engu að síður kjósi hún að kaupa blöð, sú leið henti henni betur til að njóta frétta og annars efnis sem í þeim er.

Arndís Erla rifjar það upp að afi hennar, Eyjólfur Jónasson bóndi á Sólheimum í Laxárdal, hafi verið landpóstur um áratugaskeið á síðustu öld. Um Eyjólf segir einmitt í frásögn í Skessuhorni fyrir nokkrum árum, þegar skrifað var um störf hans sem landspósts, að; „Eyjólfur þótti framúrskarandi röskur og dugmikill í póstferðum.“ Arndís rifjar upp að hún muni upp úr 1960 að þá hafi afi sinn farið einu sinni í viku og stundum oftar niður í Búðardal og flutt póstinn heim á bæina. Síðar tóku svo mjólkurbílarnir við póstflutningum. „Ég get fullyrt að hjá afa var þjónustan betri og áreiðanlegri en hún er í dag tæpum sjö áratugum síðar hjá póstinum,“ segir Arndís. Hún kallar því eftir að Íslandspóstur leggi sig fram um að sinna útburði pósts betur en gert hafi verið undanfarnar vikur og í það minnsta ekki lakar en gömlu landpóstarnir gerðu á hestunum sínum á öndverðri síðustu öld.

Þjónustan var betri hjá gömlu landpóstunum