medium

large

thumbnail

1536x1536

2048x2048

small

custom-size

Þjónustan var betri hjá gömlu landpóstunum

Stúkuhúsið Kaffi blæs til sóknar

Skoðunardagur fornbíla er á mánudaginn

Veggurinn sem vaknar – vígsla vegglistaverks

„Ég er mjög tengdur þessum stað“

Segir brýnt að auka ekki óvissu með frekari töfum

core/paragraph

Jens Garðar Helgason og nítján aðrir þingmenn úr Sjálfstæðisflokki, Framóknarflokki og Miðflokki hafa lagt fram á Alþingi þingsályktunartillögu um stofnun samgögnfélagsins Þjóðbrautar. Í tillögunni er lagt til að Alþingi feli innviðaráðherra að láta framkvæma heildstæða úttekt á þeim möguleika að stofna samgöngufélag sem verði hlutafélag sem hafi það hlutverk að fjármagna, byggja, eiga og reka helstu samgöngumannvirki landsins, svo sem stofnbrautir, jarðgöng og stórar brýr. Félagið starfi eftir fyrirmynd færeyska félagsins Tunnils pf. og beri heitið Þjóðbraut.

Þá segir að markmið félagsins verði að hraða uppbyggingu samgöngumannvirkja með því að fjármagna þau að hluta með veggjöldum. Gjaldtaka hefjist við valin samgöngumannvirki í eigu ríkisins svo fljótt sem verða má með það að markmiði að byggja strax upp sjálfbæran tekjustraum félagsins. Sérstök áhersla verði lögð á að gjaldtaka verði sanngjörn og í samræmi við notkun. Einnig verði ráðherra falið að kanna leiðir til að gjaldtaka taki mið af tekjulíkani Spalar ehf. á sínum tíma þannig að áskrifendur greiði lægra gjald en þeir sem borga fyrir staka ferð. Ráðherra athugi einnig hvaða skatta og gjöld á umferð, t.d. vörugjöld á ökutæki, mætti lækka eða fella niður á móti.

Í greinargerð frumvarpsins er einkum vísað til reynslu Færeyinga við fjármögnun stórra samgöngumannvirkja sem byggist á blöndu af ríkisframlagi, lánsfé og veggjöldum. Einnig segir að með stofnun nýs samgöngufélags, sem hefði umsjón með helstu samgöngumannvirkjum og gjaldtöku feli í sér mikil tækifæri. Þjóðbraut gæti fengið sérstakt stofnfé og tekjur af veggjöldum sem yrðu eyrnamerktar samgönguframkvæmdum. Slíkt fyrirkomulag geti flýtt fyrir uppbyggingu dýrustu samgöngumannvirkja landsins, t.d. nýrra jarðganga, brúa eða stofnbrauta, án þess að alla fjármögnun þurfi að sækja í almennar skatttekjur á hverju ári. Þá nefna flutningsmenn að reynslan af Hvalfjarðargöngum sýni að með þessu megi framkvæma stórt verk sem ella hefði beðið lengi eftir fjármagni.

Með stofnun Þjóðbrautar mætti á svipaðan hátt ráðast hraðar í brýn verkefni eins og nauðsynlegar vegabætur á Vestfjörðum og á Vesturlandi, tvöföldun Vesturlandsvegar um Kjalarnes, hraðari uppbyggingu brúa á Norðausturlandi, ný Hvalfjarðargöng og fleiri verkefni þar sem tekjur félagsins (veggjöld) stæðu undir lánum eða fjármögnun.

Fréttaveita Vesturlands

Stofnað verði samgöngufélagið Þjóðbraut