medium

large

thumbnail

1536x1536

small

custom-size

Laxveiðar ríflega helmingur tekna af landbúnaði í Borgarfirði

2048x2048

Undirbúningur Hinseginhátíðar og Brákarhátíðar í fullum gangi

Forsetahjónin unnu hug og hjörtu keppenda Norðurálsmótsins

Keppni fór vel af stað á Norðurálsmótinu

Skallastrákar í æfingabúðum í Króatíu

Svanga-Saga gladdi íbúa á Brákarhlíð

core/paragraph

Einn af hápuntum mannlífsflórunnar á Akranesi og þótt víðar væri leitað, Norðurálsmótið í knattspyrnu, verður haldið í næstu viku. Fjörtíu ár eru síðan mótið var haldið í fyrsta skipti en mótið er síungt og þátttakendur hafa aldrei verið fleiri. Á þjóðhátíðardaginn 17. júní verður nokkurs konar hliðarmót fyrir stráka og stelpur úr 8. flokki. Hið hefðbundna mót 7. flokks verður síðan sett föstudaginn 20. júní við aðalvöllinn á Jaðarsbökkum að lokinni skrúðgöngu sem Halla Tómasdóttir forseti Íslands mun leiða og hún mun setja mótið. Skrúðgangan leggur af stað frá Stillholti 16 klukkan 11. Að lokinni setningu mótsins taka svo við tveir sólarhringar af taumlausri gleði hvort heldur það er í keppni, skemmtan eða öðrum mannlegum samskiptum.

Páll Guðmundur Ásgeirsson skrifstofustjóri Knattsyrnufélags ÍA segir undirbúning mótsins ganga mjög vel og til mótsins muni að líkindum mæta 336 lið með um 2.000 keppendum og er þetta fjölmennasta mótið frá upphafi. &nbsp;Í mót 8. flokks mæta 86 lið stráka með um 500 keppendum og 16 lið stelpna með 90 keppendum. Í keppni 7. flokks mæta 193 lið stráka með 1.150 keppendum og 41 lið stelpna með 250 keppendum.

Páll segir að dagskrá mótsins sé um margt hefðbundin en í tilefni 40 ára afmælisins sé lagt meira í dagskrá kvöldskemmtunarinnar. Þá hafi í tilefni afmælisins hinn eini sanni Jón Jónsson samið sérstakt mótslag sem söngvarinn Ágúst mun frumflytja á kvöldskemmtuninni. Síðast en ekki síst muni forseti Íslands, Halla Tómasdóttir. heiðra mótið og keppendur þess með því að taka þátt í skrúðgöngunni og setja mótið.

Til þess að mótshaldið gangi snurðulaust fyrir sig koma að framkvæmd þess um 250 manns að sögn Páls og eru flestir þeirra foreldrar iðkenda hjá ÍA. Hann segir vel hafi gengið að manna framkvæmd mótsins að þessu sinni.

Keppendum fylgja áhangendur og má að sögn Páls varlega áætla að til bæjarins muni í næstu viku koma um 6-7 þúsund manns auk keppenda.

Mjór er mikils vísir, er gamall og góður málsháttur. Fertugt Norðurálsmótið sannar það svo sannarlega. Á fyrsta mótið fyrir 40 árum mættu 70 strákar úr Breiðabliki, Stjörnunni og ÍA og öttu kappi á Jaðarsbökkum. Síðan þá hefur mikið vatn runnið til sjávar, mótið vaxið og dafnað og er í dag eitt af allra stærstu íþróttamótum landsins.

Fréttaveita Vesturlands

Norðurálsmótið fertugt en aldrei ferskara