medium

thumbnail

small

custom-size

Banaslys á sjó

Lækkun á olíuverði er ekki að skila sér til neytenda

large

1536x1536

2048x2048

Starfshópur um valkosti í gjaldmiðlamálum

Þjófagengi handtekið við Krónuna

Sundfélag Akraness í öðru sæti í liðakeppni SSÍ

Strandveiðibátur sökk

core/paragraph

Á undanförnum vikum hefur nýtt hús tekið á sig æ stærri mynd í Lækjarflóa ofan Akraness. Húsið mun í fyllingu tímans hýsa starfsemi jarðvinnufyrirtækisins Þróttar ehf. á Akranesi sem undanfarna áratugi hefur haft aðsetur á Ægisbraut. Að sögn Helga Ómars Þorsteinssonar framkvæmdastjóra verður húsið ríflega 1.300 fermetrar að stærð. Hluti þess verður á tveimur hæðum. Helgi segir starfsemi félagsins hafa fyrir löngu sprengt núverandi hús utan af sér á Ægisbrautinni. Því hafi fyrirtækið ráðist í þessa framkvæmd eftir makaskipti á lóðum við Akraneskaupstað. Bæjarfélagið hafi á undanförnum árum velt fyrir sér breyttri notkun á svæðinu við Ægisbraut og því hafi hagsmunir beggja legið saman.

Þróttur komst í maí á áttugasta ár starfsemi sinnar en það var stofnað 2. maí 1946 af föður Helga, Þorsteini Stefánssyni. Lengst af var reksturinn fólginn í rekstri einnar ýtu eða svo. Helgi keypti fyrirtækið af ættingjum sínum 1984 og hefur starfsemi þess vaxið hægt en örugglega æ síðan og eru starfsmenn þess í dag um 30.

Verkefni hefur fyrirtækið sótt í gegnum tíðina víða um land. Nú er langt komið stórt verk í Miðfirði og fyrir liggur verkefni við lagningu nýs vegar frá þjóðveginum í Gilsfirði að gamla skólasetrinu í Ólafsdal. Fjölmörg önnur verk eru í gangi, að sögn Helga, og má þar nefna lagningu hitaveituæðar í Borgarfirði og verkefni á Grundartanga svo einhver séu nefnd. Þá hefur fyrirtækið frá árinu 2010 rekið malarnámu á Stóru-Fellsöxl.

Það eru starfsmenn Sjamma á Akranesi sem reisa nýtt hús Þróttar. Að sögn Helga er stefnt að því að taka það í notkun fljótlega á næsta ári eða í allra síðasta lagi á 80 ára afmæli fyrirtækisins.

core/image

Fréttaveita Vesturlands

Nýtt stórhýsi Þróttar sprettur upp