medium

large

thumbnail

1536x1536

2048x2048

small

custom-size

Búfræðikennarar í fræðsluferð til Þýskalands

Hafnarfjall Ultra fjallvegahlaupið tókst með ágætum – myndasyrpa og úrslit

Ágæt stemning á Brákarhátíð og Hinsegin hátíð Vesturlands – myndasyrpa

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

core/paragraph

Eiturþörungar hafa ár eftir ár verið viðvarandi í sjó í Hvalfirði yfir sumartímann. Maí og júní hafa verið sólríkir og er ástæða til að ætla að eiturþörungar í sjó dafni víða vel. Því varar Matvælastofnun almenning við því að tína og borða krækling í Hvalfirði og öðrum vinsælum stöðum til kræklingatínslu við landið.

Margir þekkja munnmælin að það sé óhætt að neyta kræklings sem tíndur er í mánuðum sem hafa „r“ í nafni sínu. Þessi munnmæli eiga hins vegar ekki við, einkum þegar vorið er hlýtt eins og nú. Það er hins vegar rétt að sjaldan eru eitraðir þörungar til staðar í teljandi mæli í umræddum mánuðum.

„Neytendur þurfa ekki að varast krækling (bláskel) sem ræktaður er hérlendis og er á markaði í verslunum og veitingahúsum. Söluaðilar taka reglulega sýni af skelkjöti og sjó til að fylgjast með magni eitraðra þörunga í sjó og hvort skelkjötið innihaldi þörungaeitur. Ræktun og markaðsetning er einnig undir eftirliti Mast og heilbrigðiseftirlits,“ segir í tilkynningu.

Svifþörungar eru undirstaða fæðukeðju hafsins, en sumar tegundir mynda þörungaeitur sem er hættulegt mönnum og dýrum. Vöxtur og eiturmyndun í þörungum er ekki fyrirsjáanleg. Því getur hættan sprottið upp á gróðurtímabili þörunga, frá mars mánuði og fram á vetur. Skelfiskurinn sem étur eiturþörunga safnar í sig eitrinu án þess að það hafi áhrif á hann sjálfan. Eituráhrifanna gætir aftur á móti hjá þeim sem neyta skelfisks sem hefur safnað upp þörungaeitri.

Nánari upplýsingar um eiturþörunga og þörungaeitur má nálgast á vef Hafrannsóknastofnunar.

Fréttaveita Vesturlands

Matvælastofnun varar við kræklingi úr Hvalfirði