medium

large

thumbnail

1536x1536

2048x2048

small

custom-size

Andlát – Magnús Þór Hafsteinsson

Gistinóttum fjölgaði um þriðjung – mest fjölgun var á Vesturlandi

Fellihýsageymslan er ný fjölskyldubók úr Grundarfirði

Írsk vika hefst á Útgerðinni í kvöld

Sterkar göngur á kvöldflóðinu

Elizabeth Bueckers með þrennu í góðum sigri ÍA

core/paragraph

Í gærkvöldi fór fram almennur félagsfundur í hestamannafélaginu Borgfirðingi í Vindási. Húsfyllir var á fundindum, á annað hundrað manns, og ljóst að þungur tónn var undirliggjandi. Til fundarins var boðað í síðustu viku í kjölfar þess að tillaga um vantraust á stjórn hafði borist þar sem yfir tíu prósent félagsmanna rituðu nafn sitt undir. Áður hafði um helmingur stjórnar sagt af sér og stjórnin því löskuð. Valdimar Leó Gunnarsson var fenginn til að stýra fundi og fórst það vel. Í byrjun fundar kvað fólk úr fráfarandi stjórn sér hljóðs og lýsti frá sinni hendi því sem gengið hafi á og orskakaði deilur. Þetta voru þau Eyþór Jón Gíslason fráfarandi formaður, Hrafnhildur Guðmundsdóttir ritari og Steinunn Árnadóttir stjórnarkona. Eftir þau innlegg kváðu nokkrir almennir félagsmenn sér hljóðs og lýstu áhyggjum sínum yfir ástandinu í félaginu, það væri laskað og langt frá því að vera gaman eins og það átti að vera. Eftir þær umræður kynnti fundarstjóri að komið væri að kosningu um vantrauststillöguna. Beiðni um leynilega atkvæðagreiðslu barst, en áður en til hennar kom höfðu þeir síðustu í stjórn félagsins einnig boðað afsögn sína. Því kom ekki til kosningar um vantraust á stjórn og var gengið til kosninga á bráðabirgðastjórn sem situr til næsta aðalfundar.

Einn gaf kost á sér til formennsku í félaginu; Haukur Þór Hauksson á Fornastekk í Stafholtstungum. Var hann einróma kjörinn með lófaklappi. Skrifleg kosning fór þá fram um sjö stjórnarmenn auk Hauks og gáfu tíu kost á sér. Gengið var til skriflegrar atkvæðagreiðslu. Eftirtaldir náðu kjöri: Þorsteinn Hjaltason, Elísabet Ýr Egilsdóttir, Heiða Dís Fjeldsted, Ísólfur Ólafsson, Eyþór Jón Gíslason, Friðrika Ásmundsdóttir og Ólafur Axel Björnsson.

Fundinum lauk skömmu fyrir miðnætti. Þá kallaði Haukur Þór nýja stjórn til stutts fundar þar sem línur voru lagðar fyrir komandi daga. Borgfirðingur heldur í byrjun júlí fjórðungsmót hestamanna í Borgarnesi og því er í mörg horn að líta.

Almennt má segja að þótt skuggi hafi hvílt yfir tilefni félagsfundar í Borgfirðingi mátti glöggt heyra á fólki létti yfir að fundurinn fór vel fram og á honum tókst að kjósa nýja forystu. Voru menn almennt einhuga um mikilvægi þess að láta fyrri deilur vera að baki og snúa sér að einhverju skemmtilegra starfi hestamannafélags með á fimmta hundrað félagsmenn.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Ny-stjorn-tekin-vid-i-hestamannafelaginu-Borgfirdingi_2-1200x706.jpg" alt="" class="wp-image-92156"/><figcaption>Húsfyllir var í Vindási.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Ny-stjorn-tekin-vid-i-hestamannafelaginu-Borgfirdingi_3-1200x900.jpg" alt="" class="wp-image-92157"/><figcaption>Kolbeinn í Stóra Ási og Haukur Þór í Fornastekk, nýr formaður.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Ny-stjorn-tekin-vid-i-hestamannafelaginu-Borgfirdingi_4-1200x900.jpg" alt="" class="wp-image-92158"/><figcaption>Það voru þung ský yfir svæðinu í upphafi fundar, en svo létti til eftir því sem leið á kvöldið!</figcaption></figure>

Fréttaveita Vesturlands

Ný stjórn tekin við í hestamannafélaginu Borgfirðingi