medium

thumbnail

small

custom-size

Lundastofninn sagður í hættu

large

1536x1536

Amma og barnabörnin söfnuðu fyrir Kvennaathvarfið

Banaslys á sjó

Lækkun á olíuverði er ekki að skila sér til neytenda

2048x2048

Starfshópur um valkosti í gjaldmiðlamálum

Þjófagengi handtekið við Krónuna

core/paragraph

Byggðaráð Borgarbyggðar hefur samþykkt fyrir sitt leyti tillögur fræðslunefndar að breyttu skipulagi leikskólamála og gjaldskrá sem felur í sér að leikskólinn verður gjaldfrjáls til klukkan 14 hvern dag. Tillagan verður tekin til afgreiðslu á fundi sveitarstjórnar á morgun, fimmtudag.

Forsaga málsins er sú að á sínum tíma voru undirritaðir kjarasamningar við flestar stéttir um styttingu vinnuvikunnar. Þá var ekki ljóst með hvaða hætti sú stytting kæmi fram í rekstri margra opinberra stofnana. Augljóst var þó að til þess að halda óbreyttri starfsemi og þjónustustigi þyrfti að fjölga starfsfólki með tilheyrandi auknum kostnaði og/eða auknu álagi á það starfsfólk sem fyrir var.

Breytt skipulag leikskólamála hefur verið í vinnslu hjá Borgarbyggð um nokkurt skeið. Á fundi fræðslunefndar 21. maí lagði Hlöðver Ingi Gunnarsson sviðsstjóri fjölskyldusviðs fram minnisblað um; „tillögur að breytingum á umgjörð leikskóla í Borgarbyggð,“ eins og segir orðrétt í bókun fræðslunefndar. Jafnframt segir að tillögurnar feli í sér; „að veruleiki styttingar vinnuviku sé viðurkenndur inn í kerfið.“ Einnig að tillagan feli ekki í sér þjónustuskerðingu eða kostnaðarauka fyrir foreldra.

Byggðaráð Borgarbyggðar fjallaði um málið í síðustu viku. Samhljóða gerði ráðið tillögur fræðslunefndar að sínum og fól sveitarstjóra að fullvinna tillögur að gjaldskrá.

Samkvæmt heimildum Skessuhorns fela tillögurnar í sér í stórum dráttum að leikskólinn verður gjaldfrjáls til klukkan 14 hvern virkan dag. Eftir þann tíma hefst gjaldtaka þannig að fyrir barn sem dvelur átta tíma á dag til klukkan 16 dag þarf að greiða svipað gjald og verið hefur fram að þessu eða 46.880 krónur með fæðisgjaldi.

Með þessari tillögu er talsverður fjárhagslegur hvati foreldra að stytta leikskóladvöl barna sinna. Með færri dvalartímum skapast því svigrúm til endurskipulagningar vinnutíma starfsfólks leikskólanna þannig að umsamin stytting vinnuvikunnar nái fram að ganga. Sú lausn er þó háð því að foreldrar leikskólabarna geti yfirhöfuð endurskipulagt vinnudag sinn þannig að þau geti stytt dvöl barna sinna. Takist foreldrum það meta sveitarstjórnarmenn tekjutapið minna en sá kostnaður sem orðið hefði með fjölgun starfsmanna við óbreytt kerfi.

Stefán Broddi Guðjónsson sveitarstjóri Borgarbyggðar staðfesti í samtali við Skessuhorn í morgun að tillaga fræðslunefndar um breytt skipulag í leikskólamálum yrði til afgreiðslu í sveitarstjórn á morgun.

Fréttaveita Vesturlands

Grundvallarbreytingar í bígerð í leikskólamálum Borgarbyggðar