medium

large

thumbnail

1536x1536

2048x2048

small

custom-size

Kostar á annan tug milljóna að koma upp farnetssendum

Enn fækkar í Þjóðkirkjunni en óskilgreindum fjölgar

Náttúrubarnahátíð um helgina í Sævangi á Ströndum

Hvalfjarðarsveit framlengir samning um skólaakstur í þriðja sinn

Stór steypudagur á Garðabraut í dag

Samþykkja auglýsingu skipulagsbreytinga vegna nýrrar hafnar og laxeldis

core/paragraph

Byggingafyrirtækið Bestla er nú á lokametrunum í byggingu fjölbýlishússins við Garðabraut 1 á Akranesi. Húsið er byggt á stöllum, sambyggð hús sem skiptist í A og B hluta, en í því er alls 50 íbúðir frá 62 og upp í 170 fermetrar að flatarmáli, allar með geymslu í kjallara. Húsið er byggt á tveimur stöllum og er fimm og sjö hæða. Íbúðirnar eru frá tveggja og upp í fjögurra herbergja en á þeim er talsverður munur, bæði á lofthæð, innra skipulagi og útsýni. Blaðamanni Skessuhorns var boðið í sýnisferð um húsið í fylgd byggingastjóra og staðarstjóra hjá Bestla auk Ólafs Sævarssonar fasteignasala. Fasteignasölurnar Prima og Domus Nova selja íbúðirnar fyrir hönd Bestla.

Guðjón Helgi Guðmundsson er byggingarstjóri yfir framkvæmdinni en Hildur Einarsdóttir er staðarstjóri. Aðspurð segja þau að ekki sé búið að gefa út verðmiða fyrir íbúðirnar en þess sé skammt að bíða. Guðjón Helgi segir að verkefnið við Garðabraut hafi í senn verið krefjandi og skemmtilegt en það hófst með niðurrifi KFUM hússins sem stóð innarlega á lóðinni. „Þetta er eitt stærsta fjölbýlishús sem byggt hefur verið á Vesturlandi. Byggingin hefur gengið vel í allflesta staði og við sjáum nú fram á að ljúka verkinu í september. Sala íbúðanna hefst á næstu dögum þegar endanlegt verð hefur verið gefið út,“ sagði Guðjón. Þessa dagana er verið að ljúka uppslætti bílakjallara og stæða á jarðhæð en það er flókið og vandasamt verk. Framundan er 400 rúmmetra steypa í hluta bílakjallarans og önnur þar sem steypa þarf 600 rúmmetra. Mögulega seinki það afhendingu íbúða fram í september að vinna við bílastæðahúsið hefur tekið meiri tíma en áætlað hafði verið. Að öðru leyti hefur framkvæmdin öll verið á áætlun og gengið mjög vel, að sögn Guðjóns Helga. Um 50 bílastæði verða í kjallara hússins og 17 í götuhæð auk fjögurra stæða fyrir fólk með fötlun. Flestum íbúðum í húsinu fylgir eitt bílastæði, nokkrum ekkert en sumum fylgja tvö.

Íbúðirnar í húsinu verða afhentar fullbúnar en án gólfefna utan votrýma. Í þeim er loftskiptikerfi sem tryggir framúrskarandi loftræstingu í öllum íbúðum. Nú er langt komið með að setja upp innréttingar í íbúðunum og byrjað að koma fyrir innihurðum. Lyftur í húsið koma upp síðar í sumar. Blaðamaður arkaði því upp stigana með fulltrúum Bestla og Ólafi fasteignasala. Óhætt er að segja að stigagangur og milligangar á hverri hæð eru rúmgóðir og bjartir. Útsýni er úr öllum íbúðum hússins og batnar það vissulega til muna eftir því sem ofar dregur í húsið.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Ibudir-i-staersta-fjolbylishusi-Vesturlandi-komnar-i-solu_1-1200x900.jpg" alt="" class="wp-image-92106"/><figcaption>Guðjón Helgi, Hildur og Ólafur við eina af eldhús innréttingum í húsinu, en þær eru að mestu komnar upp. </figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Ibudir-i-staersta-fjolbylishusi-Vesturlandi-komnar-i-solu_3-1200x900.jpg" alt="" class="wp-image-92107"/><figcaption>Hildur Einarsdóttir staðarstjóri og Guðjón Helgi Guðmundsson byggingastjóri hjá Bestla eru hér stödd í bílakjallaranum sem verið er að vinna í.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/06/Ibudir-i-staersta-fjolbylishusi-Vesturlandi-komnar-i-solu_2-1200x900.jpg" alt="" class="wp-image-92108"/><figcaption>Ólafur Sævarsson á svölum íbúðar á sjöttu hæð. </figcaption></figure>

Fréttaveita Vesturlands

Íbúðir í stærsta fjölbýlishúsi á Vesturlandi komnar í sölu