medium

large

thumbnail

1536x1536

2048x2048

small

custom-size

Heimili fólks en ekki stofnun

Auður nýr forseti bæjarstjórnar

Ný hugsun í nýtingu ullar

Ný stjórn tekin við í hestamannafélaginu Borgfirðingi

Kjartan hlaut heiðursverðlaun Grímunnar

Samstarfsnefnd leggur til sameiningu Skorradalshrepps og Borgarbyggðar

core/paragraph

Hanna Katrín Friðriksson atvinnuráðherra hefur ákveðið með reglugerð að banna endurvigtunarheimild sem útgerðir smábáta hafa fram að þessu haft. Auk þessa stendur til með frumvarpi að refsa strandveiðisjómönnum landi þeir í þrígang umfram leyfilegan hámarksafla. Um það segir í frumvarpinu að landi menn þrisvar sinnum fimm prósent meira en leyfilegum hámarksafla, þ.e. 774 kílóum, skuli svipta þá leyfi til strandveiða. Þykir sjómönnum það fordæmalaus og íþyngjandi aðgerð enda segja þeir engan stunda það af ásetningi að landa umfram hámark hverju sinni.

Í reglugerð sem ráðherra hefur undirritað kemur fram að hér eftir skuli vigtun afla strandveiðibáta ljúka á hafnarvog. Vigtarmanni er þó heimilt að draga frá allt að 3% af vegnum afla vegna áætlaðs íss hafi hann áður gengið úr skugga um að aflinn sé í raun ísaður og rétt flokkaður. Áður höfðu t.d. fiskmarkaðir, sem flestir smábátar landa beint inn á, haft heimild til endurvigtunar afla bátanna eftir að hann hefur verið flokkaður og ís fjarlægður.

Telja sjómenn í Snæfellsbæ að nákvæmni hafnarvoga í þessu sambandi sé ekki með þeim hætti að nægjanlega sé hægt að tryggja rétta þyngd auk þess sem kör eru misþung. Þetta segja þeir að muni leiða til verulegra vandvæða við löndun á bryggjum og snýr óánægja þeirra að íþyngjandi og slæmum breytingum fyrir þá. Nefna þeir sem dæmi höfnina á Arnarstapa þar sem um fimmtíu bátar landa afla sínum á góðum strandveiðidegi. Fiskmarkaður Íslands tekur þar við aflanum óflokkuðum og hefur sú flokkun og viktun farið fram í Rifi.

Andri Steinn Benediktsson, framkvæmdastjóri Fiskmarkaðs Snæfellsæjar, segir að þeir hafi gert tilraun til þess að handflokka á bryggjunni og reyni að gera öllum til geðs, en best er þó að vélflokka fiskinn og vigta á markaðinum en hann segir að alltaf sé mismunur á endurvigt á markaðinum þar sem þeir hafa fullkomnar flokkunarvélar og vigtar sem eru mun nákvæmari en hafnarvogin. Á endanum mun sjómaðurinn tapa á vigt á hafnarvog, segir Andri Steinn. „Þetta er mjög flottur og dýr búnaður sem við höfum fjárfest í til að hámarka gæði, frágang og fylgja eftir þeim reglum sem okkur eru settar, en það er verið að gera lítið úr þessu með þessari reglugerð,“ segir í sameiginlegri umsögn sem Fiskmarkaður Íslands og Fiskmarkaður Snæfellsbæjar gerðu við frumvarpið. Fullyrða þeir að búnaður markaðanna skili hærra verði og betri gæðum aflans.

Fréttaveita Vesturlands

Endurvigtunarheimild strandveiðiafla afturkölluð