Nú undir lok sumars verður ökuskírteini ekki lengur viðurkennt sem stafræn skírteini í svokölluðum símaveskjum, þ.e. í snjallsímum, jafnt innan lands sem utan. Öll opinber skírteini ríkisins þarf nú að nálgast í sérstökum forritum á island.is. Framkvæmdastjóri Stafræns Íslands segir í samtali við Vísi.is að um sé að ræða samræmingu við stefnu Evrópulanda í öryggismálum. Ný reglugerð frá Evrópusambandinu um stafræna auðkenningu tekur brátt gildi. Greint var frá því í gær að hið opinbera hygðist hætta útgáfu stafrænna ökuskírteina 1. júlí í sumar, en sú þjónusta hefur verið mjög vinsæl síðan henni var hleypt af stokkunum 2020. Allir þeir sem hyggjast nota stafræn skírteini verða að hlaða niður smáforriti Ísland.is fyrir 27. ágúst næstkomandi og ná í skilríkin þar.