medium

large

thumbnail

1536x1536

2048x2048

small

custom-size

Tveir flokkar detta af þingi í NV samkvæmt nýrri könnun

Gul viðvörun tekur gildi í fyrramálið

Einar Margeir vann til verðlauna á Smáþjóðaleikunum í sundi

Döpur helgi hjá Vesturlandsliðunum í 2. deild

UNICEF staðfestir Akranes sem barnvænt samfélag

Sjómannadagshelgin í Grundarfirði fór vel fram – syrpa

core/paragraph

Heilmikið líf var í höfninni í Stykkishólmi á fimmtudaginn síðasta þegar blaðamaður Skessuhorns kíkti þar við. Veðrið var ekkert sérstakt, en sökum brælu voru flestir smærri bátar utan á Nesinu í landi þennan dag. Inni í viktarskúrnum voru þeir nafnar, Jón Jakobsson og Jón Páll Gunnarsson nýbúnir að hella upp á kaffikönnuna. „Ég held að það sé 31 bátur skráður hér í Stykkishólmi en það eru nú einhverjir sem eru farnir. Mest hafa landað um 21 bátur hér á einum degi, en kíktu nú út á bryggju því Hrói er að koma inn,“ sagði Jón Jakobsson.

Stjáni Bents á Hróa SH 40 var byrjaður að hífa grásleppukör upp á land en á lyftaranum var Magni Blær Hafþórsson. Sýnir hann snilli sína og greinilegt hverra manna hann er. Eiginkona Stjána er við kranann og segir hún að hann hafi verið að koma utan við Elliðaey og að þetta væri engin mokveiði en bara fínt. Samtals reyndist aflinn 823 kg.

Lárus Franz frá Ögri mætir svo til að gera bát sinn klárann. „Við vorum bara að byrja á þriðjudaginn. Það er gaman þegar þetta byrjar, lífið í höfninni eykst en það verður að hafa augun með þessum strandveiðibátum en þeir eru að reka svo mikið upp í fjörur að það má ekki líta af þeim,“ segir Lalli og hlær, en sonur hans Einar Jóhann er að aðstoða við löndunarkranann. „Annars er þetta vertíð númer 54 hjá mér í beit og ég held að þetta sé að slá í eitthvert met,“ segir Lalli og hlær.

Annar bátur en lentur við annan löndunarkranann en það er Anna Karín SH 216. Þar er Páll Aðalsteinsson að ljúka við að hýfa upp körin. „Fyrsti róður í dag hjá okkur, en við settum út net í fyrradag. Þetta er frekar léleg byrjun, varla í meðallagi en við erum nú hér nálægt heimasvæðinu. Við förum lengst út í Höskuldsey en það eru auðvitað bátar sem eru þarna fyrir norðan og eru með betri veiði. Við nennum ekki þangað, við erum svo gamlir,“ segir Páll, en hann og Álfgeir Marínósson voru samtals með 935 kg þennan fimmtudaginn.

Fjóla SH 7 mætir á svæðið en þá slökknar á síma blaðamanns sem jafnframt er myndavélin. Eftir nokkra ringulreið og spurningar til Magna Blæs, kemst blaðamaður í kynni við hleðslusnúru og nær að hefja hleðslu. Fjóla SH kom með samtal 2.599 kg þennan fimmtudag og voru þeir sáttir sjómennirnir sem mættu inn í viktarskúrinn. Þar tínast inn ýmist áhugamenn um hafið eða atvinnumenn, til að heyra nýjustu tíðindin ásamt því að fá nýuppáhellt kaffi frá þeim Jóni og Jóni. „Við vorum farnir héðan út um klukkan fjögur í nótt en það tekur langan tíma að sigla þarna út við Flatey, en þetta var fínasta veiði í dag,“ segir Viktor Brimir Ásmundson á Fjólu SH.

Eftir að hafa drukkið of mikið kaffi þá var kominn tími til að fara út á bryggju á ný, því að nú var fyrsti strandveiðibáturinn, Garpur SH kominn að bryggju. „Ég er búinn að vera að síðan klukkan þrjú í nótt en við erum bara þarna fyrir innan Flatey,“ segir Jóhann Kúld. Hann sagðist hafa verið að veiða ágætlega. „Ég byrjaði á strandveiðum fyrir nokkrum árum vegna þess að ég gat ekki lifað lengur á sumrin á þessum blessuðu grásleppuveiðum,“ sagði Jói að lokum, en Garpur var með 668 kíló þennan dag.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_1-1200x900.jpg" alt="" class="wp-image-91696" /><figcaption>Magni Blær Hafþórsson sýndi leikni sína á lyftaranum.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_2-1200x900.jpg" alt="" class="wp-image-91697" /><figcaption>Lárus Franz frá Ögri er á leið á sína 54. vertíð í beit.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_3-1200x900.jpg" alt="" class="wp-image-91698" /><figcaption>Grásleppan frá Önnu Karínu. </figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_5-1200x900.jpg" alt="" class="wp-image-91699" /><figcaption>Fjóla SH 7 siglir inn Stykkishólmshöfn.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_6-1200x900.jpg" alt="" class="wp-image-91700" /><figcaption>Jói Kúld á Garpi SH sáttur með sinn afla.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_7-1200x900.jpg" alt="" class="wp-image-91701" /><figcaption>Stjáni Bents á Hróa SH 40.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Veidi-varla-i-medallagi_8-1200x900.jpg" alt="" class="wp-image-91702" /><figcaption>Stykkishólmshöfn á fimmtudagsmorgun, áður en byrjað var að landa.</figcaption></figure>

Fréttaveita Vesturlands

Veiðin varla í meðallagi þegar kíkt var á bryggjurúnt