medium

large

thumbnail

1536x1536

2048x2048

small

custom-size

Styrkur til almenningssamgangna

Lions gefur ágóðann af kútmagakvöldinu

Breytingar í ritstjórn

Fylgdarakstur um Hvalfjarðargöng næstu tvær nætur

Tveir flokkar detta af þingi í NV samkvæmt nýrri könnun

Gul viðvörun tekur gildi í fyrramálið

core/paragraph

Grótta og ÍA mættust í fimmtu umferð Lengjudeildar kvenna í knattspyrnu á miðvikudaginn og var leikurinn á AVIS vellinum í Laugardalnum. Aðstæður voru góðar til knattspyrnuiðkunar, sól og blíða en smá vindur. Fyrir leik voru liðin í neðri hlutanum, ÍA með fimm stig og Grótta með þrjú í næstneðsta sæti.

Skagakonur komust yfir strax á fjórðu mínútu þegar Elizabeth Bueckers fékk boltann í vítateignum fyrir opnu marki og skoraði. Það var lítið að frétta næsta hálftímann og liðunum gekk lítið að skapa sér færi og ná upp góðu spili. Heimakonur vildu fá víti á 32. mínútu þegar markaskorarinn Liz virtist brjóta á Huldu Ösp Ágústsdóttur í vítateig ÍA en dómarinn var ekki á sama máli. Gróttukonur fengu svo dauðafæri fimm mínútum síðar þegar María Björk Ómarsdóttir fékk boltann fyrir opnu marki en skaut yfir og skömmu síðar bjargaði markaskorarinn Liz á línu eftir hornspyrnu. Staðan 0-1 í hálfleik og allt opið fyrir seinni hálfleikinn.

Hann hófst frekar rólega en á 67. mínútu náðu heimakonur að jafna leikinn. Hildur Björk Búadóttir sendi þá boltann fyrir markið þar sem Hulda Ösp tók boltann niður og náði að koma honum framhjá Klil Keshwar í marki ÍA. Eftir markið kom enn meiri sóknarþungi í leik Gróttu á meðan Skagakonur áttu í miklu basli að halda boltanum innan liðsins og voru hálf þróttlitlar og andlausar. Sigurmarkið kom svo á þriðju mínútu í uppbótartíma þegar brotið var á Huldu Ösp í teignum og að þessu sinni var dæmd vítaspyrna. Úr henni skoraði Rebekka Sif Sigurðardóttir sem Klil náði að snerta en ekki stoppa frá því að fara í netið. ÍA fékk hornspyrnu á lokamínútunni þar sem Lára Ósk Albertsdóttir náði skalla að marki en Margrét Rún Stefánsdóttir í markinu náði að blaka boltanum í burtu af línunni. Lokatölur 2-1 Gróttu í hag og svekkjandi tap hjá ÍA en heilt yfir lék Grótta betur í leiknum og átti stigin þrjú skilið.

Eftir þetta tap er ÍA í 8.-9. sæti ásamt Keflavík með fimm stig og neðst er Afturelding, enn án stiga. ÍBV og HK eru efst með tólf stig og Grindavík/Njarðvík og KR eru í 3.-4. sæti með tíu stig. Næsti leikur ÍA er á móti toppliði HK næsta fimmtudag. Viðureignin verður í Akraneshöllinni og hefst klukkan 19.15.

Fréttaveita Vesturlands

Skagakonur með naumt tap gegn Gróttu