Samtök ferðaþjónustunnar, evrópsku hagsmunasamtökin HOTREC og yfir 25 landssamtök fyrirtækja í gistiþjónustu víðs vegar um Evrópu, standa nú sameiginlega að hópmálsókn gegn bókunarvefnum Booking.com. „Íslensk hótel geta tekið þátt í málsókninni sér að kostnaðarlausu og eru hvött til að skrá sig til þátttöku í gegnum vefinn www.mybookingclaim.com. Athugið að síðasti skráningardagur er 31. júlí 2025,“ segir í tilkynningu frá Skapta Erni Ólafssyni upplýsingafulltrúa Samtaka ferðaþjónustunnar.