medium

large

thumbnail

small

custom-size

Fengu viðurkenningu fyrir fræðslu um samskipti á samfélagsmiðlum

1536x1536

2048x2048

Sjóarinn sem snéri aftur

Líflegt á Arnarstapa þegar landað var úr 52 bátum – myndasyrpa

Rífandi uppbygging en efla þarf skipakost

Ekki sjálfgefið að menn gefi svona af sér

Slökkviliðið eignast utanvegatæki

core/paragraph

Í dag voru 85 nemendur brautskráðir frá Fjölbrautaskóla Vesturlands á Akranesi af sjö mismunandi námsbrautum. 18 luku burtfararprófi úr rafvirkjun, sex nemendur luku bæði burtfararprófi í rafvirkjun og viðbótarnámi til stúdentsprófs, sex luku burtfararprófi í vélvirkjun. 23 útskrifuðust úr meistaraskólanum, einn nemandi útskrifaðist af starfsbraut og 36 luku stúdentsprófi af þremur brautum. Tónlistarflutningur við athöfnina var í höndum nemenda sem tóku í vetur þátt í uppsetningu Leiklistarklúbbsins Melló á Gauragangi. Anna María Sigurðardóttir söng lagið Er hann sá rétti og Gunnar Smári Sigurjónsson og Anna María sungu saman lagið Rómeó og Júlía. Fallegt og vel við hæfi.

Dröfn Viðarsdóttir aðstoðarskólameistari setti athöfnina og Steinunn Inga Óttarsdóttir skólameistari flutti ávarp. Þar ræddi Steinunn m.a. um rétt hugarfar og markmiðasetningu í námi og starfi. Einnig nefndi hún mikilvægi þess að hugsa sjálfstætt og kom hún að lokum með góð ráð fyrir nemendur út í lífið.

Guðbjarni Sigþórsson flutti ávarp fyrir hönd útskriftarnema þar sem hann þakkaði kennurum og starfsfólki skólans fyrir að hafa trú á þeim nemendunum og hvetja þá áfram. Minnti hann á að þó að tíminn hafi liðið hratt í skólanum hafi þau áorkað miklu. Sigrún Ósk Kristjánsdóttir, fjölmiðlakona og fyrrverandi nemandi við skólann, flutti einnig ávarp þar sem hún ráðlagði nemendum að fara eigin leiðir, hafa trú á sér og fylgja hjartanu, ástunda þakklæti, skoða heiminn og hafa gaman af lífinu.

Viðurkenningar

Það var Magnea Sindradóttir sem hlaut viðurkenningu skólans fyrir bestan námsárangur við útskrift, en dúx skólans hlaut að þessu sinni 9,42 í einkunn.  Eftirtaldir nemendur fengu verðlaun og viðurkenningar, t.a.m. fyrir ágætan námsárangur og störf að félags- og menningarmálum (nöfn þeirra sem gáfu verðlaun eru innan sviga:

Alex Máni Heiðarsson fyrir góðan árangur í rafiðngreinum (Raf-Pro).

Anna María Sigurðardóttir fyrir framlag sitt til félagsstarfa (Minningarsjóður Karls Kristins Kristjánssonar).

Arina Pecorina fyrir góðan árangur í spænsku (Landsbankinn).

Bergþóra Edda Grétarsdóttir fyrir framlag sitt til félagsstarfa (Minningarsjóður Karls Kristins Kristjánssonar).

Birna Rún Þórólfsdóttir fyrir ágætan árangur í íslensku (FVA), erlendum tungumálum (Sjóvá) og stærðfræði (Stærðfræðifélagið). Einnig hlaut hún Hvatningaverðlaun Háskóla Íslands fyrir frábæran námsárangur og viðurkenningu úr Minningarsjóði Guðmundar P. Bjarnasonar sem Akraneskaupstaður veitir ásamt styrk frá Akraneskaupstað vegna frábærs námsárangurs.

Demi van den Berg fyrir framlag sitt til félagsstarfa (Minningarsjóður Karls Kristins Kristjánssonar).

Ellert Kári Samúelsson fyrir góðan árangur í íslensku (FVA).

Elvar Ingi Kristjánsson fyrir góðan árangur í rafiðngreinum (Rafnes).

Freyja Hrönn Jónsdóttir fyrir ágætan árangur í þýsku (Penninn Eymundsson).

Gissur Snær Sigmundsson fyrir framlag sitt til félagsstarfa (Minningarsjóður Karls Kristins Kristjánssonar).

Gígja Kristný fyrir góðan árangur í spænsku (Íslandsbanki) og fyrir framlag sitt til félagsstarfa (Minningarsjóður Karls Kristins Kristjánssonar).

Guðbjarni Sigþórsson framlag sitt til félagsstarfa (Minningarsjóður Karls Kristins Kristjánssonar).

Guðmundur Valgeirsson Pedersen fyrir ágætan árangur í meistaraskóla FVA (Sjóvá).

Gunnar Smári Sigurjónsson fyrir framlag sitt til félagsstarfa (Minningarsjóður Karls Kristins Kristjánssonar).

Íris Petra Jónsdóttir fyrir góðan árangur í félagsfræði (FVA) og spænsku (FVA).

Karen Káradóttir fyrir góðan árangur í félagsfræði (FVA) og spænsku (Soroptimistaklúbburinn).

Karen Þorgrímsdóttir fyrir góðan árangur í félagsfræði (FVA), sálfræði (FVA) og erlendum tungumálum (Íslandsbanki).

Kasper Úlfarsson fyrir ágætan árangur í ensku (FVA).

Ketill Ingi Guðmundsson hlaut viðurkenningu og hvatningu til áframhaldandi náms úr Minningarsjóði Lovísu Hrundar.

Krista Bríet Ólafsdóttir hlaut hvatningaverðlaun (Zontaklúbburinn Ugla Akranes).

Magnea Sindradóttir fyrir ágætan árangur í efnafræði (Efnafræðifélagið), líffræði (FVA), stærðfræði (FVA), íslensku (FVA) og erlendum tungumálum (Danska sendiráðið). Einnig hlaut hún Raungreinaverðlaun Háskólans í Reykjavík og styrk fyrir frábæran námsárangur sem Akraneskaupstaður veitir.

Nína Guðlaug Rúnarsdóttir hlaut viðurkenningu og hvatningu til áframhaldandi náms úr Minningarsjóði Lovísu Hrundar.

Tristan Freyr Traustason fyrir ágætan árangur í stærðfræði (Elkem), viðskiptagreinum (Landsbankinn), ensku (Norðurál) og viðurkenningu fyrir störf að félagsmálum úr minningasjóði Karls Kristins Kristjánssonar.

Valdís Harpa fyrir frábæran árangur í listgreinum (Dýrfinna Torfadóttir).

Fréttaveita Vesturlands

Stór hópur útskrifaðist í dag frá Fjölbrautaskóla Vesturlands