medium

large

thumbnail

1536x1536

2048x2048

small

custom-size

Bláfánanum flaggað á Langasandi í þrettánda sinn

Skipulagsstofnun gefur út álit sitt um Holtavörðuheiðarlínu 1

Skallagrímur með sigur á heimavelli

Hvað er með ásum – Bárður Snæfellsás og tröllskessan á Mýrarhyrnu

Jörfi ehf. á Akranesi fagnaði nýjum kafla

Afburðagott vor auðveldar störfin í garðyrkjunni

core/paragraph

Í vor hafa svæðisfulltrúar ÍSÍ og UMFÍ á Vesturlandi kennt áfanga um sjálfboðaliðastörf í íþróttahreyfingunni. Kennt hefur verið í Fjölbrautaskóla Vesturlands á Akranesi í samstarfi við Íþróttabandalag Akraness og aðildarfélög þess. Áfanginn var tilraunaverkefni og hefur hann vakið athygli innan íþróttahreyfingarinnar. Hugmyndin að áfanganum kviknaði fljótlega eftir að svæðisfulltrúar hófu störf haustið 2024 og var hann mótaður í góðu samstarfi á milli svæða. Mikill vilji var innan FVA og ÍA að prufukeyra fyrirkomulagið og segja Álfheiður Sverrisdóttir og Heiðar Mar Björnsson, svæðisfulltrúar á Vesturlandi, vel hafa tekist til. ,,Við erum afskaplega ánægð með hvernig áfanginn gekk. Nemendur voru áhugasamir og stóðu sig vel og íþróttahreyfingin á Akranesi tók mjög vel á móti þeim. Þeir unnu að fjölbreyttum verkefnum og hafa nú skapast tengingar á milli þessa frambærilega unga fólks og hreyfingarinnar sem við teljum að séu komnar til að vera,“ segir Álfheiður.

Áfanginn var þannig upp byggður að nemendur sátu nokkur fræðsluerindi og fóru svo út í íþróttafélögin og unnu í sjálfboðaliðastörfum undir handleiðslu starfsmanna og annarra reynslubolta. ,,Markmiðið með svona áfanga var í rauninni þríþætt. Fyrir það fyrsta vildum við auðvitað kynna unga fólkinu okkar fyrir kostum þess að vera sjálfboðaliði í íþróttahreyfingunni og fjölbreytileika verkefnanna sem hægt er að takast á við. Eins vildum við gjarnan koma íþróttahreyfingunni inn í framhaldskólakerfið á öðrum forsendum heldur en í gegnum afreksstarf. Í þriðja lagi vantar íþróttafélögunum alltaf hendur og skortur hefur verið á nýliðun í hópi sjálfboðaliða. Þetta var því ákveðin leið sem við teljum að geti verið öllum aðilum til gagns og góða sé vel að þessu staðið,“ segir Heiðar Mar.

Mikill áhugi er hjá fleiri skólum vítt og breitt um landið að bjóða samskonar áfanga og hefur samtal og kynning farið fram á mörgum svæðum. ,,Við erum ótrúlega ánægð með móttökurnar sem við höfum fengið innan framhaldsskólakerfisins. Allir þrír skólarnir á okkar starfssvæði hafa verið mjög áhugasamir um verkefnið og vilja gjarnan bjóða þennan áfanga á næsta skólaári svo nú förum við á fullt við að kynna fyrirkomulagið betur fyrir íþróttahreyfingunni og svo vonandi væntanlegum nemendum í haust,“ segja Álfheiður og Heiðar Mar.

Framhaldsskólaáfangi um sjálfboðaliðastörf í íþróttahreyfingunni