medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/paragraph

Fyrir margt löngu var þeirri ímynd haldið á lofti að golfíþróttin væri fyrst og fremst hugsuð fyrir efnaða eldri borgara í köflóttum buxum, en því fer aldeilis víðs fjarri. Golfsamband Íslands er nú næst stærsta íþróttasambandið innan ÍSÍ með rúmlega 26.000 félagsmenn og iðkendur á öllum aldri. Víða um Vesturland er að finna frábæra golfvelli og efnilega kylfinga. Skessuhorn ákvað að heyra hljóðið í rekstraraðilum golfvalla í landshlutanum og taka stöðuna á ástandi golfvalla nú í upphafi sumars.

Bárarvöllur kemur alltaf vel undan vetri

Golfvöllurinn í Grundarfirði, Bárarvöllur, kemur einstaklega vel undan vetri í ár en hann hefur sjaldan eða aldrei verið svo snemma tilbúinn til spilunar eins og í ár, segir Garðar Svansson formaður golfklúbbsins. „Að vísu kemur hann alltaf vel undan vetri en mjög vel núna. Við höldum áfram að fegra völlinn og nærumhverfi ásamt því að efla þjónustu við gesti klúbbsins,“ segir Garðar. En hvernig er bókunarstaðan fyrir sumarið á vellinum? „Hún er ágæt, nokkrir hópar hafa bókað tíma fyrirfram ásamt því að fyrirtæki hafa sýnt því áhuga að vera með mótahald á vellinum í sumar. Einnig hafa verið gerðir vinaklúbbasamningar við nokkra nýja klúbba og væntum við þess að fjöldi gesta verði með ágætum í sumar,“ segir Garðar.

Bárarvöllur er við austanverðan Grundarfjörð en hver er helsti kostur vallarins, að mati Garðars? „Völlurinn er þægilegur fyrir alla kylfinga. Vel hirtur, skemmtilega hannaður en samt aðeins krefjandi. Settur upp þannig að gestir vilji koma aftur. Ef golfið er ekki alveg að gera sig þá er útsýnið alltaf frábært; út Grundarfjörð, yfir á Kirkjufell og fjallgarðinn Helgrindur og út á Breiðafjörð,“ nefnir Garðar, en hverjar eru skemmtilegustu og erfiðustu holur vallarins, að hans mati? „Skemmtilegasta er líklegast þriðja braut, par 5 braut og jafnframt sú fallegasta með flötina inn í gróðurrjóðri. Erfiðasta er sjötta braut, par 4 braut sem getur verið nokkur löng í norðan golu.“

Golfklúbburinn Vestarr fagnar 30 ára afmæli 27. júlí í sumar. Þann dag verður haldið afmælismót þar sem tilkynnt verður nýtt nafn á golfvellinum ásamt því að fagnað verður þeim áfanga að klúbburinn keypti golfvallarlandið síðasta sumar með öflugum stuðningi félagsmanna og velunnara klúbbsins. „Við hlökkum til að sjá sem flesta í heimsókn í sumar. Í skála er hægt að fá veitingar á sanngjörnu verði, njóta útivistar og spila golf á flottum velli,“ segir Garðar að lokum.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_2-1200x675.jpg" alt="" class="wp-image-91348"/><figcaption>Hamarsvöllur í Borgarnesi. Ljósm. bp</figcaption></figure>

Hamarsvöllur er mjög fjölbreyttur golfvöllur

Hamarsvöllur í Borgarnesi lítur vel út og kemur einstaklega vel undan vetri, segir Bjarki Pétursson framkvæmdastjóri GB um völlinn. Í vetur lentu starfsmenn þó í smá vandræðum. „Það fóru miklir vatnavextir að birtast á nýjum stöðum og talsvert vatnstjón varð. En Borgarverk kom okkur algjörlega til bjargar og hjálpaði okkur að leysa það vandamál,“ nefnir Bjarki. En hvernig er bókunarstaðan fyrir sumarið? „Bókunarstaða hjá okkur er býsna góð. Hingað sækja stórir sem litlir hópar mjög mikið til þess að spila á okkar fallega velli og njóta svo framúrskarandi þjónustu hjá Hótel Hamri eftir spil. Við erum t.d. farin að bóka hópa 2026 nú þegar. Gestir sumarsins mega búast við snyrtilegum golfvelli í flottu standi. Hamarsvöllur hefur unnið hjörtu margra kylfinga út af miklum gróðri, fjölbreyttum golfholum og einstöku útsýni af mörgum brautum,“ segir Bjarki.

Bjarki segir að lokum að hann hafi alltaf litið á Hamarsvöll sem mjög fjölbreyttan golfvöll. „Þar sem stíllinn leitar í tré og vötn á fyrri hluta vallarins en færist svo yfir í tré og ósnerta náttúru; kletta og fleira á þeim seinni,“ segir Bjarki. En hverjar eru skemmtilegustu og erfiðustu holur vallarins, að hans mati? „Skemmtilegasta hola vallarins að mínu mati er hola 17. Hún er gífurlega krefjandi og verðlaunar góð golfhögg, sem mér finnst algjört lykilatriði fyrir mig til þess að finnast holan skemmtileg. Erfiðasta hola vallarins fyrir mér er hola 13. Þar ert þú með krefjandi golfhögg bæði af teig,og í innáhögg. Þessi hola hefur líka sýnt það í mótum að hún er fljót að refsa kylfingum,“ nefnir Bjarki og bætir við. „Ég hlakka til að taka á móti ykkur í sumar upp á Hamarsvelli og skora á kylfinga að vera duglegir að spila á okkar frábæru golfvöllum á Vesturlandi,“ segir Bjarki að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_3-1200x900.jpg" alt="" class="wp-image-91349"/><figcaption>Garðavöllur á Akranesi. Ljósm. Golfklúbburinn Leynir.</figcaption></figure>

Kylfingar geta búið sig undir frábæran dag á Garðavelli

Golfklúbburinn Leynir fagnar í ár 60 ára afmæli og samkvæmt Rakel Óskarsdóttur framkvæmdastjóra verður lagður metnaður í að gera árið eftirminnilegt. „Á síðasta aðalfundi kynnti stjórn nýtt og glæsilegt lógó sem Skagamaðurinn og hönnuðurinn Bjarki Lúðvíks vann að með stjórn og því töluverð vörumerkja breyting framundan sem við erum spennt að sýna félagsmönnum og gestum okkar. Þá tókum við ákvörðun um að gera breytingar á móttöku og verslunarrými klúbbsins á afmælisári en við leggjum ríka áherslu á að gera vel við félagsmenn og þá kylfinga sem sækja okkur heim en árlega eru spilaðir um 24.000 hringir á Garðavelli,“ segir Rakel.

En hvernig kemur Garðavöllur út eftir veturinn? „Völlurinn kemur mjög vel undan vetri þar sem veturinn var frekar léttur og ekki langir frostakaflar sem geta komið illa við golfvelli. Í raun er staðan eins góð og hún getur orðið á þessum árstíma og munum við ekki eftir svona góðri byrjun,“ nefnir Rakel, en eru einhverjar breytingar á vellinum í ár? „Við erum alltaf að vinna að einhverri vinnu úti á velli á milli vertíða. Leynir er með þrjá heilsárs starfsmenn á vellinum; vallarstjóra, aðstoðarvallarstjóra og vélamann. Þetta frábæra teymi ásamt fjölmörgum sjálfboðaliðum hefur unnið að mikilvægum framkvæmdum á vellinum í vetur og vor og má þar helst nefna uppbyggingu teiga, dreifingu vökvunarkerfis, dren framkvæmdir og lagfæringar við 8. flöt,“ segir Rakel.

Rakel segir að bókunarstaðan sé fín en að það sé þunn lína að finna jafnvægi í seldum rástímum og spili félagsmanna. Félagsmenn Leynis nálgast nú 800 og hefur fjölgað mjög ört síðastliðin ár og þar af leiðandi getur klúbburinn ekki orðið við öllum þeim óskum sem berast um rástímabókanir. En hvað mega gestir búast við þegar þeir heimsækja Garðavöll? „Kylfingar geta búið sig undir frábæran dag á Garðavelli. Völlurinn er í góðu standi og öll aðstaða til golfiðkunar er mjög góð. Þá er aðstaðan í klúbbhúsinu okkar alveg til fyrirmyndar bæði í verslun okkar og í veitingasölu. Ég er mjög bjartsýn fyrir sumarið en síðastliðin tvö sumur hafa verið öllum golfklúbbum nokkuð erfið, veðurfarslega séð, sem bitnar alltaf á umferð á golfvöllum. Ég myndi alltaf halda að ef veðrið verður þokkalegt að spiluðum hringjum fjölgi milli ára hjá okkur. Garðavöllur er skemmtilegur völlur að spila. Hann er auðveldur á fótinn og fáum við mikið hrós fyrir snyrtimennsku og góða aðstöðu innan vallar sem og í klúbbhúsi og það er okkar besta auglýsing,“ segir Rakel. En hverjar eru skemmtilegustu og erfiðustu holur vallarins, að hennar mati? „Önnur brautin finnst mér skemmtilegust. Brautin er einstaklega falleg að mínu mati þar sem hún liggur meðfram skógræktinni. Brautin er krefjandi og getur refsað en á góðum degi þá getur maður skorað hana vel. Níunda brautin er erfiðust, ekki spurning. Hún er löng fyrir par 4 holu og mjög erfið flöt og er fljót að refsa manni,“ segir Rakel en bætir við að endingu: „Leynir óskar öllum kylfingum gleðilegs golfsumars og hlakkar til að taka á móti ykkur á Garðavelli.“

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_4-1200x900.jpg" alt="" class="wp-image-91350"/><figcaption>Garðavöllur undir jökli nú í maí. Ljósm. hþ</figcaption></figure>

Skemmtileg upplifun af útiveru undir jökli

Golfklúbbur Staðarsveitar heldur úti Garðavelli undir jökli en hann er staðsettur við Hótel Langaholt. „Völlurinn kemur vel undan vetri en það er sífellt unnið að lagfæringum, einkum á teigum en einnig að lagfæringum á æfingasvæði vallarins,“ sagði Haukur Þórðarson formaður klúbbsins. Garðavöllur undir jökli er níu holu golfvöllur, svokallaður linksvöllur vegna þess að hann liggur á sandbornum sjávarkambi og er því sambærilegur við svipaða golfvelli t.d. í Skotlandi. „Hér geta gestir vonandi fengið skemmtilega upplifun af útiveru ásamt góðu skori á velli sem fer vel með kylfinga,“ segir Haukur Þórðarson en bætti því við undir lokin. „Hola tvö er skemmtilegust að mínu mati og hola fjögur er sú erfiðasta. Hér er allir kylfingar velkomnir, sama á hvað getustigi þeir eru,“ sagði Haukur.

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_5.jpg" alt="" class="wp-image-91351"/><figcaption>Kylfingur á teigi á Víkurvelli. Ljósm. Golfklúbburinn Mostri</figcaption></figure>

Breyting bætir aðstöðu Mostra

Víkurvöllur í Stykkishólmi er staðsettur rétt við tjaldsvæðið í Stykkishólmi en golfklúbburinn Mostri sér um rekstur tjaldsvæðis og rekstur golfvallar. „Völlurinn kemur betur undan vetri nú en mörg undanfarin ár og lítur afar vel út með sumarið ef heldur fram sem horfir,“ segir Magnús Þór formaður golfklúbbsins Mostra. Engar breytingar hafa verið gerða á vellinum sjálfum en golfskálinn hefur verið endurbyggður bæði að innan sem utan. „Hann var stækkaður um sirka 50 fermetra. Breytingin bætir alla aðstöðu til mikilla muna og erum við mjög bjartsýn á umferðina um völlinn í sumar og eru komnar fleiri bókanir en áður,“ nefnir Magnús. En hver er að hans mati skemmtilegasta og erfiðasta braut vallarins? „Ég segi að fimmta holan er afar falleg og skemmtileg golfhola en sú erfiðasta er sú sjöunda en sú hola reynist flestum erfið. Að lokum bjóðum við alla kylfinga velkomna á Víkurvöll og vonumst til að veðráttan verði sæmilega til friðs í sumar,“ segir Magnús Þór að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_6-1200x419.jpg" alt="" class="wp-image-91352"/><figcaption>Níunda holan á Húsafellsvelli reynist mörgum erfið. Ljósm. hb</figcaption></figure>

Húsafellsvöllur býður upp á áskoranir

Golfvöllurinn í Húsafelli hefur staðist veturinn af með prýði og er nú tilbúinn að taka á móti kylfingum en til að tryggja að völlurinn sé í toppstandi þá eru gerða endurbætur eins og kostur er á hverju ári og vellinum viðhaldið, segir Helga Björnsdóttir formaður. „Fyrirhugaðar framkvæmdir á þessu ári eru endurbætur á þremur teigum en bókunarstaðan er góð, en svo er það þannig að sumarbústaða-, tjaldstæða- og hótelgestir bóka sumir hverjir ekki fyrirfram heldur með skömmum fyrirvara. Gestir fá fjölbreytta upplifun í einstaklega fallegu umhverfi hér í Húsafelli,“ nefnir Helga.

Helga segir að helsti eiginleiki golfvallarins séu áskoranir. „Völlurinn býður upp á áskoranir fyrir kylfinga á öllum aldri og getustigi. Hann liggur meðfram gróskumiklum birkiskógi og Kaldá og Stuttá, sem þarf að slá yfir,“ nefnir Helga. En hverjar eru skemmtilegustu og erfiðustu brautir vallarins að hennar mati? „Fjórða brautin er 279 metra löng par 4 en áin Kaldá liggur meðfram brautinni sem getur aukið spennu á fyrsta höggi og slá þarf yfir ánna inn á flöt. Sú erfiðasta tel ég að sé sjötta brautin en hún er löng par 5 braut sem liggur upp brekku og slá þarf yfir Stuttá, sem getur verið mikil áskorun,“ segir Helga en bætir því við í lokin: „Völlurinn er mjög vinsæll fyrir vinahópa sem koma og dvelja á hótelinu eða tjaldstæðinu. Eftir góðan hring er tilvalið að njóta veitinga á Bistróinu, sem býður upp á ljúffenga rétti og drykki. Toppurinn er síðan að skella sér í nýuppgerða sundlaugina Lindina,“ segir Helga.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_7-1200x1600.jpg" alt="" class="wp-image-91353"/><figcaption>Fróðárvöllur í Snæfellsbæ. Ljósm. rh</figcaption></figure>

Fróðárvöllur er umlukin fallegum fjöllum

Golfklúbburinn Jökull í Ólafsvík heldur úti tveimur völlum, nýjum velli í Rifi og Fróðárvelli en samkvæmt Rebekku Heimisdóttur stjórnarmanns í Golfklúbbnum Jökli í Ólafsvík koma báðir vellirnir vel út undan vetri. Hafa orðið einhverjar breytingar á vellinum? „Töluvert er um breytingu en í fjöldamörg ár hefur GJÓ verið með golfskála en klúbburinn seldi skálann og í stað hans kemur tímabundin aðstaða vegna flutninga. Stórt og gott bílastæði er við völlinn og hægt verður að greiða vallargjald í sjálfsafgreiðslu. Við búum við svo vel að vera með frábæran einstakling sem vallarstjóra og því umhirða og sláttur til fyrirmyndar. Aðgengi að vellinum er gott og auðvelt er að fá teigtíma þegar opið er á völlinn. Öll eru velkomin að spila,“ segir Rebekka. En hvað mega gestir búast við þegar þeir heimsækja Fróðarárvöll? „Fróðárvöllur er umlukin fallegum fjöllum og útsýni út á hafið og geta gestir búist við fallegu sólsetri þegar spilað er í kvöldsólinni. Völlurinn liggur á flatlendi við ósa Fróðár, sem rennur í Breiðafjörð. Völlurinn er frekar stuttur og léttur í göngu,“ nefnir Rebekka. En hverjar eru skemmtilegustu og erfiðustu brautir vallarins, að hennar mati? „Að mínu mati er það 8. braut sem er erfiðust en hún endurspeglar landslag vallarins og býður upp á mis skemmtilegar áskoranir. Skemmtilegustu brautirnar eru breytilegar eftir dögum og vindáttir spila þar lykilhlutverk,“ nefnir Rebekka að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Golfvertidin-hafin-a-Vesturlandi_8-1200x676.jpg" alt="" class="wp-image-91354"/><figcaption>Golfvöllurinn Glanni í Norðurárdal. Ljósm. glannigolf</figcaption></figure>

Glanni er einn fallegasti golfvöllur landsins

Hægt var að opna Glannavöll óvenju snemma í ár, samkvæmt Snorra Þórðarsyni, formanns Golfklúbbsins Glanna í Norðurárdal. „Völlurinn er að koma mjög vel út eftir veturinn og hægt var að opna hann óvenjulega snemma í vor,“ nefnir Snorri. En hafa orðið einhverjar breytingar á vellinum? „Engar breytingar er á vellinum sjálfum. Nýr rekstraraðili; Esjuskálinn (Baulan), er að taka við rekstrinum á golfskálanum. Landeigendur eru að byrja með gjaldtöku á bílastæðinu. Golfarar eiga ekkert að greiða, eingöngu ferðamenn sem eiga að greiða fyrir bílastæði,“ segir Snorri. Hver er eiginleiki golfvallarins að mati Snorra? „Golfvöllurinn verður sjaldan blautur vegna þess hversu hann er fljótur að drena sig. Golfvöllurinn Glanni er einn fallegasti golfvöllur landsins með þetta fallega landslag; fjallasýn, hraun, mosa og trjágróður,“ nefnir Snorri. En hverjar eru skemmtilegustu og erfiðustu brautir vallarins, að hans mati? „Níunda holan er skemmtilegasta hola vallarsins. Hún er stutt par þrjú hola og slegið er yfir vatn í átt að golfskálanum. Erfiðasta brautin að mínu mati er fjórða holan,“ segir Snorri að lokum.

Fréttaveita Vesturlands

Golfvertíðin hafin á Vesturlandi – heyrðum hljóðið í öllum golfklúbbunum