medium

large

thumbnail

1536x1536

2048x2048

small

custom-size

Keppt í fjórum flokkum á Héðinsmótinu í bekkpressu

Guðbjarni öflugur í sínu fyrsta landsliðsverkefni

Erill á sunnudegi við höfnina

Guðni Eiríkur í starf aðstoðarskólastjóra

Birna er nýr verkefnastjóri Reiðmannsins

Sauðburður nú í fullum gangi

core/paragraph

Vesturlandsliðin Kári og Víkingur Ólafsvík náðu í sína fyrstu sigra í 2. deild karla í knattspyrnu á laugardaginn. Víkingur Ó. er í 3.-4. sæti ásamt Haukum með fjögur stig og Kári og Kormákur/Hvöt eru í 5.-6. sæti með þrjú stig eftir tvær umferðir. Efstu tvö liðin eru KFA og Þróttur Vogum með sex stig og merkilegt að sex lið eru í 7.-12. sæti með eitt stig í neðri hlutanum.

Víkingur tók á móti ungu liði KFG á Ólafsvíkurvelli og gestirnir komust yfir á 15. mínútu með sjálfsmarki markmannsins Jóns Kristins Elíassonar. Heimamenn létu það ekki slá sig út af laginu og fjórum mínútum síðar jafnaði Luis Romero Jorge metin. Fyrirliðinn Ingvar Freyr Þorsteinsson fór fyrir sínum mönnum og kom þeim yfir eftir rúmlega hálftíma leik og staðan 2-1 í hálfleik, Víkingi í vil. Ivan Lopez Cristobal kom síðan Víkingi í 3-1 á 53. mínútu og hinn ungi og efnilegi Asmer Begic innsiglaði stórsigur Víkings tíu mínútum fyrir leikslok, lokatölur 4-1.

Næsti leikur Víkings í deildinni er á útivelli á móti KFA en í millitíðinni er leikur gegn Lengjudeildarliði Keflavíkur í 16-liða úrslitum Mjólkurbikarsins. Hann fer fram á HS Orku vellinum í Keflavík næsta miðvikudag og hefst klukkan 18.

Lið Kára fór austur og mætti þar liði Hattar/Hugins á Fellavelli á Egilsstöðum við góðar aðstæður en mikill vindur var þó á meðan leik stóð. Ekkert mark var skorað í fyrri hálfleik en gestirnir komust yfir á 55. mínútu þegar Matthías Daði Gunnarsson fékk boltann í vítateignum og kom honum framhjá markmanninum sem hefði líklegast átt að gera betur. Eyþór Magnússon jafnaði metin á 65. mínútu með glæsilegu marki úr aukaspyrnu af um 30 metra færi beint upp í vinkilinn og staðan jöfn, 1-1. Þegar allt leit út fyrir að liðin myndu skipta stigunum jafnt á milli sín náðu Káramenn frábærri sókn á lokamínútunni og Sigurður Hrannar Þorsteinsson tryggði þeim öll þrjú stigin með marki af fjærstönginni eftir fyrirgjöf. Lokatölur 1-2 og kærkominn sigur Kára eftir tap í fyrstu umferðinni.

Næsti leikur Kára í deildinni er heimaleikur gegn Grótta en næsta verkefni er í 16-liða úrslitum Mjólkurbikarsins þar sem þeir mæta Bestu deildar liði Stjörnunnar. Viðureignin fer fram á miðvikudaginn í Akraneshöllinni og hefjast leikar klukkan 20.

Fréttaveita Vesturlands

Góðir sigrar hjá Kára og Víkingi Ó. um helgina